Marneuli meriyası dəmiryolunda keçidin quraşdırılmasına 5514 lari
ödəyib.
Yerli özünüidarə Gürcüstan Dəmiryolu ilə sadələşdirilmiş müqavilə
bağlayıb.
“Müqavilənin tərkib hissəsi olan auditlə təsdiq edilmiş
xərclər smetasına əsasən Marneuli şəhərində avtomobil körpüsünün
bərpası işləri ilə əlaqədar müvəqqəti dəmir yolu keçid panelinin
quraşdırılması üzrə xidmətlərin dövlət alqı-satqısı”,
– sadələşdirilmiş alqı-satqı tenderində yazılıb.
Marneulidə, Mağalaşvili körpüsünün altında alternativ maşın keçidi
15 dekabr tarixində açılıb. Bu barədə Gürcüstan Dəmiryolu ilə
razılıqla, Marneulidə hərəkətin çətinləşməsinə görə, qərar qəbul
edilib.
Mağalaşvili körpüsü aparılan yenidənqurma işlərinə görə, 30 noyabr
tarixində, 20 günlük bağlanıb.
Marneuli şəhərində Durmuşxan Mağalaşvili adına körpünün bərpası
işlərini “İrlani” MMC 1 878 333 lariyə həyata keçirir. İşlər beş
aydan artıqdır, davam edir. Marneuli meriyası şirkətlə 2023-cü ilin
5 may tarixində müqavilə bağlayıb. Müqaviləyə görə, işlərin başa
çatdırılması müddəti olaraq 150 gün, təxminən 5 ay müəyyən edilib.
Meriya və “İrlani” MMC arasında 5 may tarixində bağlanmış
müqavilədə 12 oktyabr tarixində dəyişiklik edilib. Dəyişikliyə
əsasən, şirkətə işləri həyata keçirmək üçün 25
dekabra qədər vaxt
verilmişdi.