შეერთებული შტატები და მისი ნატოელი მოკავშირეები ცდილობენ რუსეთზე
გამარჯვება ბრძოლის ველზე მოიპოვონ, რათა ჩვენი ქვეყანა გაანადგურონ,
- ამის შესახებ რუსეთის საგარეო საქმეთა მინისტრმა სერგეი ლავროვმა
გამოცემა TASS-სთან ინტერვიუში განაცხადა.
„კოლექტიური დასავლეთისა და მათი მარიონეტის, ზელენსკის ქმედებები
ადასტურებს უკრაინის კრიზისის გლობალურ ხასიათს. საიდუმლო არ არის,
რომ აშშ-ისა და მისი ნატოელი მოკავშირეების სტრატეგიული მიზანია
რუსეთის წინააღმდეგ გამარჯვების მოპოვება ბრძოლის ველზე, როგორც ჩვენი
ქვეყნის დასუსტების ან უფრო მეტი, განადგურების მექანიზმი. ჩვენი
ოპონენტები ყველაფერს გააკეთებენ ამ მიზნის მისაღწევად,”
- განაცხადა ლავროვმა.
მისივე თქმით, „ცხელი კონფლიქტის“ ბენეფიციარი არის შეერთებული
შტატები, რომელიც ცდილობს არსებული სიტუაციიდან მაქსიმუმის მიღებას
როგორც ეკონომიკურად, ასევე სტრატეგიულად.