2021 წელს მარნეულის მუნიციპალიტეტის სოფელ დოლისყანასა და
იმირჭალაში შიდა და მისასვლელი გზების მოასფალტება იგეგმება.
აღნიშნული ინფორმაცია 26 იანვარს გამართულ საკრებულოს სხდომაზე
მარნეულის მერიის საფინანსო-საბიუჯეტი სამსახურის უფროსმა ვუგარ
მამედოვმა განაცხადა.
მამედოვმა ბიუჯეტის წარდგენისას განაცხადა, რომ მარნეულში
ინფრასტურქტურული პროექტები მთავრობისა და ადგილობრივი
თვითმმართველობის მიერ გამოყოფილი ფინანსებით განხორციელდება.
2021 წლის ადგილობრივი ბიუჯეტიდან სოფელ დოლისყანაში მისასვლელი გზის
რეაბილიტაციისათვის 350 000 ლარი დაიხარჯება. რაც შეეხება სოფელ
იმირჭალის შიდა გზების რეაბილიტაციას, 2021 წლის ბიუჯეტში 208 000
ლარია გათვალისწინებული.
აღსანიშნავია, რომ მარნეულის მუნიციპალიტეტის 2021 წლის ბიუჯეტი 34
934 100 ლარს შეადგენს რაც წინა წლის ბიუჯეტზე 6 200 000 ლარით
მეტია.
რადიო „მარნეული“