Covid-19-ის გავრცელებიდან დღემდე მარნეულში ვირუსით 34 ადამიანი გარდაიცვალა
2020 წლის 10 დეკემბრიდან 2021 წლის პირველ თებერვლამდე პერიოდში
მარნეულის მუნიციპალიტეტში კორონავირუსით 267 ადამიანი დაინფიცირდა.
დროის ამავე პერიოდში მუნიციპალიტეტში Covid-19-ით სტაციონარში 5
ადამიანი გარდაიცვალა. ინფორმაცია რადიო „მარნეულს“ მარნეულის
მუნიციპალიტეტის მერიამ ოფიციალური წერილის საფუძველზე მიაწოდა.
„2021 წლის 1 თებერვლიდან ინფექციის 9 შემთხვევა
დაფიქსირდა, თვითიზოლაციაშია - 10, აღებული იქნა 68 PCR- და 320
სწრაფი ტესტი, ყველა პასუხი უარყოფითია“. - წეია
მარნეულის მუნიციპალიტეტის მიერ მოწოდებულ საჯარო ინფორმაციაში
საქართველოში კორონავირუსის პირველი დადასტურებული შემთხვევიდან 5
თებერვლამდე პერიოდში მარნეულის მუნიციპალიტეტში კორონავირუსის 1 385
შემთხვევა დაფიქსირდა.
რადიო „მარნეულისათვის“ 2020 წლის 9 დეკემბერს მარნეულის მერიიდან
მიღებული ინფორმაციით, 9 დეკემბრის მონაცემებით მუნიციპალიტეტში
კორონავირუსით გარდაცვალების 29 შემთხვევა იყო დაფიქსირებული.
Covid-19-ის გავრცელებიდან დღემდე მარნეულში ვირუსით 34 ადამიანი
გარდაიცვალა.
რადიო „მარნეული“