საკრებულოს თავმჯდომარესთან და საკრებულოს სხვა პოლიტიკური თანამდებობის პირებთან მომსვლელი სტუმრების გამასპინძლებისათვის მერიამ ტკბილეული იყიდა. ადგილობრივმა თვითმმართველობამ პროდუქცია გამარტივებული წესით შ.პ.ს. ,,კრალ - XXI”-სგან 678 ლარად და 62 თეთრად შეიძინა. 32 სახეობის პროდუქტიდან, ურავლესობა ტკბილეულია.

„მოგახსენებთ, რომ მარნეულის მუნიციპალიტეტის საკრებულოს თავმჯდომარის 2022 წლის 09 დეკემბრის ბრძანების საფუძველზე შ.პ.ს. ,,კრალ - XXI”-დან შეძენილი იქნა სხვადასხვა სახის ტკბილეული მუნიციპალიტეტის საკრებულოს თავმჯდომარესთან და საკრებულოს სხვა პოლიტიკური თანამდებობის პირებთან მომსვლელი სტუმრების გამასპინძლებისათვის. გთხოვთ აღნიშნული მოხსენებითი ბარათი გადააგზავნოთ მუნიციპალიტეტის მერიაში, რათა მოხდეს გამოყოფილი თანხის გადარიცხვა.“ - წერია გამარტივებული შესყიდვის ტენდერში, სადაც მარნეულის მუნიციპალიტეტის საკრებულოს აპარატის მატერიალურ – ტექნიკური და კომპიუტერული უზრუნველყოფის განყოფილების უფროსი თანხის გამოყოფის თხოვნით მერიას მიმართავს.

შესყიდულ პროდუქციებს შორისაა: სხვხადასხვა სახეობის კანფეტები, კრუასანები, ორცხობილები, რამდენიმე სახეობის ყავა და ჩაი.