მარნეულში 19 მაისს, 20:33 წუთზე ელექტროენერგია 4
წუთით გაითიშა. დღეს მარნეულში მერის რიგგარეშე არჩევნები გაიმართა.
საარჩევნო უბნები ნახევარი საათის წინ, 20:00 საათზე დაიხურა და
საარჩევნო კომისიებმა ბიულეტენების დათვლა დაიწყო.
"ერთიანი ნაციონალური მოძრაობა - გაერთიანებული ოპოზიციის" ერთერთმა
ლიდერმა, ზურაბ მელიქიშვილმა დღეს განაცხადა, რომ ხელისუფლება დენის
გათიშვას გეგმავდა, რათა "კარუსელი დაეტრიალებინა". შუქის შეფერხებით
მიწოდებაზე სატელეფონო შეტყობინება მიიღო მარნეულის მკვიდრთა
ნაწილმა.
"ენერგო-პრო" ჯორჯიამ რადიო "მარნეულს" განუცხადა, რომ დღეს შუქი არ
გაითიშებოდა.
2019 წლის 19 მაისს მარნეულში მერის რიგგარეშე არჩევნები
გაიმართა