9 აპრილის ტრაგედიასთან დაკავშირებით ღონისძიება გაიმართა
როგორც გასულ წლებში, წელსაც სრულიად საქართველოს მუსლიმთა
სამმართველოს სასულიერო ლიდერებმა თბილისში პარლამენტის შენობის წინ
მდებარე 9 აპრილის გმირების მემორიალი ყვავილების თაიგულებით შეამკეს
და პატივი მიაგეს მათ ხსოვნას.
შემდეგ თბილისის ჯუმა მეჩეთის საკონფერენციო დარბაზში 9 აპრილისადმი
მიძღვნილი ღონისძიება გაიმართა.
9 აპრილს დაღუპულ გმირებისადმი მიძღვნილი ღონისძიება ყურანი ქერიმის
წაკითხვით გაიხსნა. შემდეგ მუსლიმთა სამმართველოს აღმოსავლეთ
საქართველოს მუფთმა ეტიბარ ემინოვმა და შეიხმა რამინ იგიდოვმა 9
აპრილის მოვლენების და დაღუპულ გმირების შესახებ ისაუბრეს, აღინიშან,
რომ 9 აპრილი საქართველოს ისტორიაში როგორც გლოვის აგრეთვე სიამაყის
დღეა, რადგან ამ ტრაგედიულმა მოვლენამ შემდეგ საქართველოს სანატრელი
დამოუკიდებლობა და თავისუფლება მოუტანა. რასაც თითოული ჩვენთაგანის
მიერ გაფრთხილება და გაძლიერება სჭირდება.