Daxili İşlər Nazirliyinin məlumatına görə, Sakrebulo iclasları ilə
paralel keçirilən etiraz aksiyaları zamanı Zuqdididə 2, Acarıstanda
isə 4 nəfər polisə tabe olmamaq ittihamı ilə saxlanılıb.
Daxili İşlər Nazirliyi bildirir ki, polis davam edən mitinqlərlə
əlaqədar səfərbərliyini davam etdirir və ictimai asayişi
qoruyacaq.
“Asayişin qorunması üçün Daxili İşlər Nazirliyinin bütün aidiyyəti
bölmələri iştirak edir. Daxili İşlər Nazirliyi asayişin qorunmasına
cavabdeh orqan kimi aksiyanın təşkilatçılarını, siyasi liderləri və
toplaşan vətəndaşları toplantı və ifadə zamanı qanunvericiliyin
tələblərinə əməl etməyə, polisin qanuni tələblərinə tabe olmağa
çağırır. Əks halda polis öz səlahiyyətləri çərçivəsində hərəkət
edəcək və hər bir qanun pozuntusunun qarşısı dərhal
alınacaq”, - DİN-in açıqlamasında bildirilir.
Batumi və Zuqdidi sakrebuloları etirazlar fonunda 2021-ci ilin
büdcəsini köhnə tərkiblə təsdiqləyib. Sessiyalarla paralel
keçirilən aksiyada polis bir neçə nəfəri həbs edib.