საქართველოში სამედიცინო და გამაჯანსაღებელი მიზნით შემოსული
ტურისტების რაოდენობა რეკორდულად შემცირდა. მიუხედავად იმისა, რომ
2023 წელს, 2022 წელთან შედარებით, მცირედით გაიზარდა, პანდემიამდელ
მაჩვენებელს, თითქმის 5-ჯერ ჩამორჩება.
სტატისტიკის ეროვნული სამსახურის მონაცემებით, 2023 წელს ქვეყანაში
აღნიშნული მიზნით უცხოელების მხრიდან 28,8 ათასი ვიზიტი განხორციელდა,
2022 წელს 21,6 ათასი, ეს მაშინ, როდესაც 2019 წელს 135,6 ათასს
შეადგენდა (შენიშვნა:პანდემიის დროს, 2020-ის მეორე კვარტიდან 2021
წლის ჩათვლით, სტატისტიკა არ იწარმოებოდა).
რაც შეეხება წინა წლების მაჩვენებლებს, 2018 წელს სამედიცინო და
გამაჯანსაღებელი პროცედურებისთვის 196,8 ათასი უცხოელი ჩამოვიდა, 1017
წელს - 175,2 ათასი, 2016 წელს - 205,2 ათასი, 2015 წელს - 224,4
ათასი და ა.შ. აღნიშნული მაჩვენებლებიდან ჩანს, რომ გასული 2 წელში
შემცირება რეკორდულია.
ცნობისთვის, 2023 წელს საქართველოში უცხოელების მხრიდან სულ 6,2 მლნ
ვიზიტი განხორციელდა, აქედან 0,5% მოდიოდა სამედიცინო და
გამაჯანსაღებელი მიზნით შემოსულ უცხოელებზე.