„კავკაზსკი უზელის“ ინფორმაციით, ენგურჰესზე ავარია მოხდა, რის გამოც სადგურის მუშაობა დროებით შეჩერებულია. აფხაზეთში ენერგოდეფიციტის გამო 7 აპრილს ამოქმედდა ელექტროენერგიის ექვსსაათიანი გამორთვის რეჟიმი.

კომპანია „ჩერნომორენერგოს“ პრესსამსახურის ცნობით, შემთხვევა ენგურჰესის სადერივაციო გვირაბის მერვე კილომეტრზე მოხდა. დაზიანდა ბეტონის კედელი, ხოლო მისი ფრაგმენტები ტურბინის განყოფილებაში ჩავარდა.

ჰიდროელექტროსადგურზე მომხდარი ავარიის შემდეგ გადაწყდა დენის გამორთვა დღეში ექვსი საათით — ორი საათით დილით, შუადღეს და საღამოს. ელექტროენერგია დე ფაქტო რესპუბლიკას ამჟამად რუსეთიდან მიეწოდება.

წინასწარი მონაცემებით, აღდგენითი სამუშაოები 15 აპრილამდე გაგრძელდება.

„ენგურჰესი“ ელექტროენერგიით ამარაგებს როგორც ქართულ, ასევე აფხაზურ მხარეებს. „ენგურჰესი“ ერთადერთი რეალური შეხების ობიექტია დღეს აფხაზურ და ქართულ მხარეებს შორის, რომელზეც ომის დასრულების შემდეგ არავინ დავობს. ქართულმა მხარემ საკუთარ თავზე აიღო მისი სრული დაფინანსება [დასავლური ორგანიზაციების ფინანსური დახმარებით] ჰესზე სარეაბილიტაციო სამუშაოებისა და ინფრასტრუქტურის უზრუნველსაყოფად.

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.