ფინანსთა სამინისტროს საგამოძიებო სამსახურის ცნობით, სარფის საბაჟო
პუნქტზე 128 159 ლარის ღირებულების
1 237 გრამი ოქროს საიუველირო ნაკეთობების საბაჟო კონტროლისგან
მალულად გადმოტანისთვის უცხო ქვეყნის მოქალაქე დააკავეს.
"გამოძიებით დადგინდა, რომ ბრალდებულმა, საბაჟო გამშვები პუნქტი
„სარფი“-ს გავლით, საბაჟო კონტროლისაგან მალულად, საქართველოს საბაჟო
საზღვარზე გადმოიტანა 1 237 გრამი ოქროს საიუველირო ნაკეთობები,
რომელთა საბაჟო ღირებულება შეადგენს 128 159 ლარს" -
წერია ფინანსთა
სამინისტროს საგამოძიებო სამსახურის განცხადებაში.
უწყების ცნობით, საქმეზე გამოძიება გრძელდება სისხლის სამართლის
კოდექსის 214-ე მუხლის მე-2 ნაწილით, რაც სასჯელის სახით
ითვალისწინებს თავისუფლების აღკვეთას 5-დან 7-წლამდე ვადით.