Maliyyə Nazirliyinin İstintaq Xidmətinin əməkdaşları həyata
keçirdikləri əməliyyat-axtarış tədbirləri
və istintaq hərəkətləri nəticəsində külli miqdarda bəyan edilməmiş
müxtəlif növ yüklərin ölkəyə gətirilməsi ilə bağlı iki fakt aşkar
ediblər. Bu barədə məlumatı qurumun mətbuat xidməti yayıb.
Onların verdiyi məlumata görə, istintaq müəyyən edib ki, bir halda
Livan vətəndaşı Batumi hava limanı vasitəsilə Türkiyə
Respublikasından Gürcüstana gömrük nəzarətindən
gizli olaraq 11
kiloqrama yaxın gümüşdən və mirvaridən hazırlanmış qızıl-zinət
əşyaları keçirib. ikinci halda Ermənistan Respublikasından
Gürcüstana Sadaxlo gömrük-keçid məntəqəsindən avtomobilə düzülmüş
217 qram qızıl məmulat gizlədilməsi yolu ilə gətirilib.
“Aparılmış istintaq hərəkətləri nəticəsində götürülmüş qızıl-zinət
əşyalarının ümumi gömrük dəyəri 42 383 lari təşkil edir. İş
Gürcüstan Cinayət Məcəlləsinin cəza olaraq 5 ildən 7 ilədək müddətə
azadlıqdan məhrumetməni nəzərdə tutan 214-cü maddəsinin birinci və
ikinci hissələri ilə araşdırılır”, - məlumatda deyilir.