Gürcüstanda pul köçürmələrinin daha bir rekord göstəricisi qeydə
alınıb.
2022-ci ilin sentyabr ayında dünyanın 200-dən çox ölkəsindən
387,177 milyon dollar transfert edilib ki, bu da ötən ilin sentyabr
ayı ilə müqayisədə 84,5% çoxdur. Gürcüstan Milli Bankının
məlumatına görə, ötən ilin sentyabrında ölkədə 209,749 milyon
dollar pul köçürmələri həyata keçirilib.
Ənənəvi olaraq, ötən ay da lider mövqedə
Rusiya olub, ondan
daşınmaların həcmi əvvəlki ayla müqayisədə 57%, ötən ilin eyni
dövrü ilə müqayisədə isə 351% artıb.
2022-ci ilin sentyabr ayında ən çox pul köçürdüyü ilk 10 ölkə
aşağıdakılardır:
- • Rusiya - 173,942 milyon dollar;
- • İtaliya - 36,288 milyon dollar;
- • ABŞ - 28,679 milyon dollar;
- • Yunanıstan - 18,451 milyon dollar;
- • Qırğızıstan - 18,120 milyon dollar;
- • İsrail - 16,437 milyon dollar;
- • Almaniya - 15,921 milyon dollar;
- • Qazaxıstan - 10,126 milyon dollar;
- • Türkiyə - 9,817 milyon dollar.
- • Ermənistan - 8,984 milyon dollar;
Ümumilikdə, 2022-ci ilin 9 ayında ölkəyə 2,8 milyard dollardan çox
pul köçürmələri daxil olub.
Bundan əlavə, GMB-nın məlumatlarına əsasən, sentyabrda Gürcüstandan
xaricə 31,950 milyon ABŞ dolları göndərilib ki, bu da 2021-ci ilin
sentyabr ayının analoji göstəricisindən (29,211 milyon ABŞ dolları)
9,3% çoxdur.