Bu ilin sentyabr ayında Rusiyadan Gürcüstana 222 274 nəfər daxil olub. Daxili İşlər Nazirliyinin internet saytında statistik göstəricilər yenilənib. 2021-ci ilin sentyabr ayı ilə müqayisədə 511% artıb. Məlumat üçün bildirək ki, ötən ilin eyni dövründə “Kazbeqi” sərhəd-keçid məntəqəsindən 36 407 nəfər daxil olub.

Statistikaya görə, Rusiya-Gürcüstan sərhədinə Kazbeqi sərhəd-keçid məntəqəsi vasitəsilə 39 344 avtomobil daxil olub, 43 747 avtomobil isə çıxıb.

19 040 yük maşını daxil olub, 12 377-si çıxıb, 1082 avtobus daxil olub, 1055-i çıxıb, motosiklet və velosipedlərə gəldikdə isə 439-u daxil olub, 360-ı çıxıb.

Pandemiyadan əvvəlki dövrə gəlincə, Daxili İşlər Nazirliyinin məlumatına görə, 2019-cu ilin sentyabr ayında Rusiyadan Gürcüstana 163 316 nəfər daxil olub.

Xatırladırıq ki, Rusiya prezidenti sentyabrın 21-dən Rusiyada qismən hərbi səfərbərlik elan edib. Bir neçə gün ərzində Rusiyadan Gürcüstana vətəndaş axını əhəmiyyətli dərəcədə artdıqdan sonra Rusiya Larsda hərbi keçid məntəqəsi açıb və oradan kişilər buraxılmayıb.

Gürcüstanın Rusiya ilə yalnız quru nəqliyyatı var.