Yerli KİV-in məlumatına görə, qondarma Cənubi Osetiya
Respublikasının Mərkəzi Seçki Komissiyasının məlumatına görə,
bülletenlərin 87%-i işləndikdən sonra [de-fakto] parlamentə dörd
siyasi partiya daxil olur.
Xalq Partiyası - 15,41% (3186 səs), Kommunist Partiyası - 7,12%
(1472 səs), "Vahid Osetiya" - 30,32% (6267 səs) və "Nixas" - 29,93%
(6174 səs) de-fakto parlamentə daxil olub.
Cənubi Osetiyanın [de-fakto]
parlamentinə ümumilikdə 17 partiya
deputatı və 17 majoritar daxil olub.
Cənubi Osetiyada [de-fakto] parlament seçkilərində seçicilərin
72,32 faizi iştirak edib. Mərkəzi Seçki Komissiyasının [de-fakto]
məlumatına görə, Cənubi Osetiyanın məntəqə seçki komissiyalarının
siyahılarına daxil olan seçicilərin sayı 29 mini keçib.
Qondarma respublikanın səkkizinci çağırış adlanan parlament
seçkilərinin yekun nəticələri bir həftədən sonra açıqlanacaq.
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.