Gürcüstan xarici
işlər naziri Davit Zalkalianinin açıqlamasına görə, Fransa hökuməti
Gürcüstan vətəndaşlarının qanuni qaydada işlə təmin olunmaları ilə
bağlı qanun qəbul edəcək.
Zalkaliani
jurnalistlərə açıqlamasında qeyd edib ki, müqavilə qüvvəyə
mindikdən sonra Gürcüstanlı gənc mütəxəssislər, o cümlədən Fransada
ali təhsil almış şəxslər Fransada işlə təmin olunmaları üçün
müvəqqəti yaşayış icazəsi ala biləcəklər.
"Gürcüstan
hakimiyyəti və Xarici İşlər Nazirliyi Gürcüstan vətəndaşlarının
qanuni qaydada işlə təmin olunmaları ilə bağlı tərəfdaş ölkələrlə
razılığa gəlmək üçün fəal şəkildə çalışır. Biz mühüm nəticələr əldə
etmişik. Fransa ilə saziş imzalamışıq ki, bu sazişi də Fransa
Parlamenti ratifikasiya edib. Ötən gün isə Fransa prezidenti bu
müqaviləni imzalayıb və artıq qanun kimi təqdim olunacaq. Bu saziş
Gürcüstan vətəndaşlarının Fransada qanuni qaydada işləmələrinə
imkan yaradacaq. Bu çox mühüm nailiyyətdir. Bu sazişin qüvvəyə
minməsindən sonra, gənc gürcü mütəxəssislər, o cümlədən Fransada
ali təhsil almış şəxslər işlə təmin olunmaları üçün Fransada
müvəqqəti yaşayış icazəsi ala biləcəklər. Yaxın zamanda qanunun nə
vaxt qüvvəyə minəcəyi ilə bağlı məlumat verəcəyəm. Bu qanunun
nüansları barədə müvafiq şərhlər veriləcək. Biz bu istiqamətdə
başqa ölkələrlə də çalışırıq, bu ölkələr Polşa və İsraildir. Bu
prioritet istiqamətlərdən biridir”, – nazir
deyib.