Մառնեուլիի մունիցիպալիտետի Սաիմերլո գյուղի մանկապարտեզում,
հավանաբար, մեկ ամսից նոր տնօրեն կնշանակվի։
Ինչպես նշում է Մառնեուլիի մանկապարտեզների միության ղեկավար Զաուր
Քարամովը, ուսումնական հաստատության ղեկավարի ընտրությունը կապված է
որոշակի ընթացակարգերի հետ ՝ ներառյալ թեկնածուների որոնումը և նրանց
ընտրությունը:
«
Առայժմ պարտականությունները կատարում է բուժքույրը։
Նշանակումն այդքան հանկարծակի չի լինում։ Պետք է թեկնածուներ ընտրենք,
խոսենք նրանց հետ։ Չեմ կարող ասել, թե որքան ժամանակ կպահանջվի, բայց
դա կարող է տեւել մեկ ամիս»,- ասում է Զաուր Քարամովը։
Ազա Խարշիլաձեն 26 տարի ղեկավարել է Սաիմերլոյի մանկապարտեզը։
Հոկտեմբերի 10-ին «Մառնեուլի» ռադիոն տեղեկացավ, որ Սաիմերլո գյուղի
մանկապարտեզի ղեկավար Ազա Խարշիլաձեն ազատվել է աշխատանքից։ Զաուր
Քարամովի խոսքով՝ աշխատանքից ազատվելու պատճառը կառավարման
գործընթացներում թույլ տված սխալներն են։ Վերջին պատճառը կապված է մի
քանի օր առաջ խմելու ջրի բացակայության պատճառով մանկապարտեզը մեկ
օրով փակելու հետ։
«Ռադիո Մառնեուլի»-ի հետ զրույցում Ազա Խարշիլաձեն հայտարարում է, որ
մանկապարտեզների միության փաստարկն իր պաշտոնանկության վերաբերյալ
անարդարացի է։ Ասում է՝ մանկապարտեզում խմելու ջրի խնդիրն իր մեղքով
չի առաջացել։
«Ռադիո Մառնեուլի»
Թարգմ․ ՝ Մարգարիտա Միսկարյան