Fevral ayının 1-dən etibarən yeni nizamnamə qüvvəyə minəcək ki,
buna əsasən də bələdiyyələr tullantıların çeşidlənməsi üçün müvafiq
infrastruktur yaratmalı olacaqlar.
Kağız, alüminium, şüşə və plastik tullantıların toplanması üçün
bələdiyyələr müvafiq yer ayıracaqlar ki, vətəndaşlar da
tullantılarını oraya apara biləcəklər. CENN “Tullantıların idarə
olunması proqramı” rəhbərinin müavini Nino Tevzadzenin dediyinə
görə, bələdiyyələr çeşidlənmiş toplama xidmətini mərhələli şəkildə
həyata
keçirəcəklər.
“Bələdiyyələr sakinlərin çeşidlənmiş tullantıları apara
biləcəkləri və müvafiq konteynerlərə ata biləcəkləri yerlərin
yaradılmasını təmin etməlidirlər. Bunun məqsədi bu tullantıların,
çeşidlənmiş tullantıların yenidən emalıdır”, - deyə
Nino Tevzadze bildirdi.
Nino Tevzadze bələdiyyələrin heç olmasa bir məntəqədə çeşidlənmiş
toplama xidməti göstərməyə başlayacaqlarına ümid etdiyini
bildirdi.
Əgər bələdiyyələr bir fevraldan etibarən çeşidlənmiş toplama
xidmətini təşkil edə bilməsələr, onlara qarşı sanksiya da tətbiq
oluna bilər.