Səhiyyə naziri Ekaterine Tikaradzenin sözlərinə görə, mayın
22-də məhdudiyyətlərin hamısnın aradan qaldırılması haqqında
danışmaq hələ çox tezdir.
Nazir “İmedi” kanalının efirində deyib ki, Gürcüstanda koronavirusa
yoluxmalar azalıb. Müvafiq olaraq, Səhiyyə Nazirliyi tövsiyə verib
ki, müəyyən iqtisadi fəaliyyət bərpa olunsun və məhdudiyyətlər
qaldırılsın.
Bununla yanaşı, Tikaradzenin bildirdiyinə görə, bu o demək deyil
ki, mayın 22-də məhdudiyyətlərin hamısı
aradan qaldırılacaq.
“Epidemioloji vəziyyət o qədər dəyişkəndir ki… Hələlik elə bir gün
və elə bir qrup olmayıb ki, yoluxmanın yeni halı təsdiqlənməsin.
Buna görə də məhdudiyyətlərin tamamilə qaldırılması haqqında
danışmaq çox tezdir. Mayın 22-dək müşahidə edəcəyik, əgər 3-4
gün yeni pasiyentlərimiz olmasa, karantin tədbirlərinin ləğv
edilməsi haqqında danışmağa əsasımız olacaq”, – deyə
Tikaradze bildirib.
Gürcüstanda fövqəladə vəziyyət Gürcüstan Prezidentinin əmri ilə
mayın 22-nə kimi uzadıldı. Ona qədər isə baş nazir prezidentə
bununla bağlı təqdimatla müraciət etmişdi.
____________________________________
Gürcüstanda koronavirusla bağlı saat 11:00-a görə olan son vəziyyət
aşağıdakı kimidir:
KORONAVIRUS TƏSDIQLƏNİB - 652
O CÜMLƏDƏN SAĞALIB - 383
ÖLƏNLƏRIN SAYI - 11
KARANTIN REJIMINDƏ - 4246
STASIONAR NƏZARƏT ALTINDA - 394
*XARICDƏN MÜALICƏ ÜÇÜN GƏTIRILƏN GÜRCÜSTAN VƏTƏNDAŞLARI - 3