Nataxtaridə yerli sakinlər içməli suyun olmamasına etiraz ediblər.
Nataxtari əhalisi artıq bir aydır susız qalıb.
Səbəb isə, yerli hakimiyyət orqanları tərəfindən dəfələrlə verilən
vədlərə baxmayaraq sıradan çıxmış su quyusu probleminin həll
olunmamasıdır.
“Hamımızın balaca uşaqlarımız var. Uşaqlara vermək üçün
suyumuz yoxdur. Nə qədər vəd verildiyini bilirsinizmi? Keçən il də
söz vermişdilər, hər il bizə söz verirlər, amma nəticə
yoxdur", - deyə yerli sakinlərdən biri bildirib.
İcra başçısının müavini etirazçıların yanına gəlib. Quyunun inşaat
işlərinin layihəsini əhaliyə təqdim edib, bununla yanaşı bildirib
ki, layihə üçün hələ tender elan edilməyib.
“Tenderdə kimsə iştirak etsə və sənədlərlə hər şeyi bizə təqdim
etsə, mütləq müqaviləni imzalayacağıq və ən qısa zamanda bu
məsələni şəxsi nəzarətə götürəcəyəm”, - deyə icra
başçısının müavini bildirib.
“Mtavari”nin,
“tikinti işlərinə nə qədər vaxt lazım
olacaq?” sualı isə icra başçısının müavinini
əsəbiləşdirib.
“Su işlərinə lazım olan qədər vaxt
lazımdır”, - deyə hökumət nümayəndəsi bildirib.
Nataxtari sakinləri artıq yerli rəhbərliyin vədlərinə inanmırlar.
Yerli sakinlər quyu işinin həllindən əvvəl alternativ su təchizatı
təşkil etməyi tələb ediblər. Tələblərinin yerinə yetirilmədiyi
təqdirdə, mərkəzi yolu bağlayacaqlarını bildiriblər.
Mənbə: mtavari.tv