Əfqanıstanda olan daha 10 Gürcüstan hərbçisinə koronavirus diaqnozu
qoyulub. Bu barədə məlumat Müdafiə Nazirliyi tərəfindən yayımlanıb.
“İyulun 10-da vətənə qaytarılan 28 hərbi qulluqçudan
8-i sağalıb və artıq tibb müəssisəsini tərk edib. Qalan hərbi
qulluqçuların səhhətləri qənaətbəxşdir. İnfeksiya heç bir ağırlaşma
olmadan gedir. Yolxumanın mənbəyi eyni klasterlə – yerli əfqan
personalı ilə əlaqələndirilir.
Hazırda Əfqanıstanda aparılan müvafiq araşdırmalar digər gürcü
hərbçilərinin "Covid-19"-a yoluxduğunu təsdiqləmir. Əfqanıstanda
qalan Gürcüstan kontingentinin bir hissəsi rotasiya ilə bir neçə
həftə ərzində Gürcüstana qayıdacaq, onlar müəyyən edilmiş qaydalara
uyğun olaraq 2 həftəlik karantin keçəcək.
Gürcüstan Müdafiə Nazirliyi, müdafiə qüvvələrinin və ümumilikdə
ölkənin müsbət dinamikasının qorunmasını təmin edəcək bütün
qabaqlayıcı və tövsiyə tədbirlərini fəal şəkildə həyata keçirir
", – deyə Müdafiə Nazirliyinin açıqlamasında
bildirilir.