ABŞ-nin Gürcüstana qarşı sanksiyaları iki ölkə arasında tərəfdaşlıq
ruhuna uyğun gəlmir.
Bu barədə Gürcüstanın Baş naziri İrakli Kobaxidze Berlində
keçirilən Ukraynanın bərpası üzrə konfransın kuluarlarında
jurnalistlərə açıqlamasında bildirib.
“Bir daha qeyd etmək istərdim ki, sanksiyalar ciddi
deyil. Amma bununla yanaşı, bu, ölkəmizə və xalqımıza qarşı
təhqiredici addımdır. Bu həmçinin iki ölkə arasında tərəfdaşlıq
ruhuna da uyğun gəlmir. Müvafiq olaraq, ümid edirəm ki, yekunda bu
qərarlara yenidən baxılacaq”, - Kobaxidze deyib.
O qeyd edib ki, ABŞ və Avropa İttifaqı ilə münasibətlərin mümkün
qədər dərinləşməsi Gürcüstanın maraqlarına cavab verir. Gürcüstan
Baş naziri, həmçinin həm amerikalı, həm də avropalı tərəfdaşların
bu istiqamətdə qarşılıqlı addımlar atacağına ümid etdiyini
bildirib.
“Bu, gürcü xalqına və dövlətinə qarşı düzgün münasibət
olardı”, - Kobaxidze söyləyib və Qərb tərəfdaşlarını
praqmatik addımlar atmağa çağırıb.
Xatırladaq ki, mayın 14-də Gürcüstan parlamenti “Xarici təsirin
şəffaflığı haqqında” qanunu üçüncü oxunuşda qəbul edib və bu qanun
Avropa İttifaqı və ABŞ-nin sərt bəyanatlarına səbəb olub. ABŞ
Dövlət Departamentinin mətbuat xidmətinin rəhbəri Metyu Miller
iyunun 6-da bildirib ki, ABŞ ölkədə xarici agentlər haqqında qanun
qəbul edildiyinə görə onlarla Gürcüstan vətəndaşına, o cümlədən
hökumət, parlament üzvləri və onların qohumları, habelə
hüquq-mühafizə orqanları əməkdaşlarına qarşı viza sanksiyaları
tətbiq edir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.