Marneuli yerli özünüidarəsi kəndə dəstək proqramı çərçivəsində
Marneulinin iki kəndində uşaq parkının salınması işləri üçün
sadələşdirilmiş müqavilə bağlayıb.
Marneuli meriyası 39 381 lari 54 tetri dəyərində müqaviləni “Pila
2010” MMC ilə bağlayıb.
Müqaviləyə görə, Yenikənddə parkın salınması üçün ümumilikdə 24 262
lari xərclənəcək. Buradan 15 220 lari dövlət büdcəsindən, 9 042
lari isə yerli büdcədən ayrılıb. Qırmızıkənddə parkın salınması
üçün ümumilikdə 15 119 lari xərclənəcək. Həmin vəsait bütövlükdə
mərkəzi büdcədən
ayrılıb.
Marneuli meriyası və “Pila 2010” MMC arasında bağlanmış
sadələşdirilmiş müqaviləyə əsasən, şirkət Yenikənd və Qırmızıkənddə
parkı 180 gün ərzində düzəltməlidir.
Marneuli miqyasında kəndə dəstək proqramı çərçivəsində ümumi kənd
toplantıları və əhali ilə məsləhətləşmələr 15 gün ərzində
aparılırdı.
Kəndə dəstək proqramı üçün Gürcüstanın Regionlarından Həyata
Keçirilən Layihələr Fondundan 2023-cü ildə 1 232 000 lari
ayrılıb.
Kəndlərə vəsait əhalisinin sayına görə bölünür. Bir kənd üçün
nəzərdə tutulmuş ən az məbləğ 10 000, ən çox isə 20 000
laridir.