დღეს, ხუთ ივლისს, მარნეულის საჯარო ბიბლიოთეკაში, მოგზაური გამოფენის მეოთხე ღონისძიება გაიმართა. რომელსაც მოწვეული სტუმრები და მარნეულელი აქტიური ახალგაზრდები ესწრებოდნენ. გამოფენაზე წარმოდგენილი ჯგუფური და ინდივიდუალური პროექტები, ეხმიანება საჯარო სივრცეების, საზღვრების, სხეულის აღქმის, სხვადასხვა სოციალური ჯგუფების და გამოცდილებების რეპრეზენტაციას. თითოეულ ნამუშევარში საჯარო სივრცეზე ხელმისაწვდომობის თემა, საკმაოდ დიდ როლს თამაშობს. როგორც რადიო მარნეულთან უსახელო გალერიის დირექტორი, გიორგი როდიონოვი რადიო ,,მარნეულთან" ამბობს, რომ დღევანდელი ღონისძიება, იმ პროექტი სდასკვნითი ნაწილია, რომელიც შარშან განხორციელდა

,,უსახელო გალერეამ მარნეულში ჩამოიტანა გამოფენა, ცოდნის ჰიბრიდული მედიაცია, რომელიც არის დასკვნითი ნაწილი, იმ პროექტის, რაც განხორციელდა შარშან  4 თვის განმავლობაში, სადაც მონაწილეობას იღებდნენ ქართველი უკრაინელი და გერმანელი ახალგაზრდა ხელოვანები და მუშაობდნენ მსგავს თემებზე როგორიცაა: მაგალითად, ქალთა უფლებები, ეკოლოგია და ის პრობლემები, რაც რეალურად საზოგადოებას აწუხებს, არამხოლოდ საქართველოში არამედ მთელ მსოფლიოში. გამოფენის პარალელურად, გაიმართა ქაღალდის გადამამუშავებელი ვორქშოფი. გამოფენა კი, სამი დღის განმავლობაში მარნეულის ბიბლიოთეკაში გაგრძელდება".-თქვა როდიონოვმა

ღონისძიების ფარგლებში საუბარი გაიმართა, ერთ-ერთ გამორჩეულ დოკუმენტალისტთან და ფოტო ხელოვან დინა ოგანოვასთან  იგი პირად გრძელვადიან პროექტებზე მუშაობს ძირითადად საქართველოსა და ყოფილ საბჭოთა ქვეყნებში. 20 წელზე მეტია დინამ არაერთ მსოფლიოში წამყვან კონკურსში გაიმარჯვა და მისმა ნამუშევრებმა მსოფლიოს გარშემო უამრავი ქვეყანა შემოიარა.

უსახელო თბილისმა 2021 წლის ოთხი თვის განმავლობაში უკრაინელ და გერმანელ პარტნიორ ორგანიზაციებთან ერთად, გერმანიის ფედერალური ოფისის და   "  Responsibility and Future" (EVZ)   ფონდის მხარდაჭერით განახორციელა ჰიბრიდული საგანმანათლებლო პროექტი.