რუსული ტელეგრამ-არხი Mash-ი წერს, რომ რუსეთში Ми-8 ტიპის ვერტმფრენის ნაწილების მოპარვის ბრალდებით საქართველოს ორი მოქალაქე და მოსკოველი ცოლ-ქმარი დააკავეს.

როგორც Mash-ი წერს, დაკავებულებს მოპარული ჰქონდათ რაკეტის დასამონტაჟებელი ნაწილები, რომლის მეშვეობითაც სამოქალაქო ვერტმფრენის სამხედრო დანიშნულებისთვის გადაკეთებაა შესაძლებელი. ტელეგრამ-არხი ვარაუდობს, რომ ნაწილები უკრაინის მიმართულებით მიჰქონდათ.

Mash-ის ინფორმაციით, БДЗ-57КР-В-ს ტიპის რაკეტმჭერები სარატოვის ოლქში, ენგელსში მდებარე საჰაერო-სარემონტო ქარხნიდან მოიპარეს. მათივე ცნობით, საბოლოოდ სამართალდამცველებმა ეს ნაწილები მოსკოვში იპოვეს.

როგორც Mash-ი წერს, დაკავებული 2 ქართველი მამაკაცი და მოსკოველი ცოლ-ქმარი ნაწილების ქვეყნიდან გატანას აპირებდნენ. ტელეგრამ-არხის ინფორმაციით, გამოძიება იკვლევს იყო თუ არა დანიშნულების ადგილი უკრაინა.

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.