Aİ-nin xarici əlaqələr üzrə sözçüsü Peter Stano baş nazir İrakli
Kobaxidzenin bəyanatına “Formula” ilə cavab verir və qeyd edir ki,
"rus qanunu"nun qəbulu Avropa İttifaqından geri çəkilməkdir.
O qeyd edir ki, bu fikir deyil, faktdır.
“Aİ qanunun Aİ-nin əsas prinsip və dəyərlərinə zidd
olduğunu çox açıq şəkildə bildirib.
Qanunun qüvvəyə minməsi Avropa Komissiyasının müəyyən etdiyi 9
tövsiyədən ən azı 3-nün geri götürülməsinə gətirib çıxarır - Aİ
liderləri tərəfindən namizəd statusu ilə bağlı təsdiqlənir və
Gürcüstanın Aİ-yə yoluna mənfi təsir göstərəcək. Bu fikir deyil,
faktdır.
Qanunun qəbulu və Aİ-nin mümkün konkret cavabı bazar ertəsi
Lüksemburqda keçirilən xarici işlər nazirlərinin müntəzəm
görüşündən sonra Xarici Əlaqələr Şurasının gündəliyində daha çox
müzakirə ediləcək”.
Dünən, iyunun 17-də Gürcüstanın baş naziri İrakli Kobaxidze 2022 və
2023-cü illərdə olduğu kimi Aİ-yə üzvlük danışıqlarının başlanması
məsələsi ilə şantaj olunduğunu bildirib.
Onun sözlərinə görə, rus qanununun işə salınmasından sonra
Gürcüstan üçün bu danışıqların açılması şansı 0-dan 20-30%-ə
yüksəlib.
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.