“Gəliri 70 min lariyə qədər olan şəxslər artıq vergiyə
cəlb olunmaya bilər” – bu məsələ ilə bağlı
qanunvericilik təşəbbüsü “Qirçi” partiyasına məxsusdur.
Parlamentin “Qirçi” siyasi qrupunun üzvü Herman Sabo brifinqdə
siyasi qrupun hazırladığı və vergi məcəlləsinə dəyişiklikləri
nəzərdə tutan yeni qanunvericilik təşəbbüsündən danışıb.
“Qanunvericilik təşəbbüsü cari qanunvericiliklə müəyyən edilmiş, il
ərzində gəliri 40 000 və
100 000 laridən çox olan şəxslərə şamil
edilən əmlak vergisinin dəyişdirilməsinə aid olacaq.
“Bu qanun 2010-cu ildə, larinin məzənnəsi fərqli olanda qəbul
edilib. O vaxtdan bəri lari xeyli ucuzlaşıb, bizdə ikirəqəmli
inflyasiya var və onsuz da yoxsul olan insanlardan daha çox vergi
tutulur. Siyasi qrupun hazırladığı qanun layihəsinə görə, gəliri 70
min lariyə qədər olan şəxslərdən artıq vergi tutulmayacaq.
Qanunvericilik təşəbbüsünə əsasən, illik gəliri 70-175 min lari
olan şəxslərdən əmlak dəyərinin 0,05%-dən 0,2%-dək, gəliri
175000-dən çox olan şəxslərdən isə əmlak dəyərinin 0,8%-dən 1%-ə
qədər vergi tutulacaq” - Herman Sabo bildirib.