2022-ci ilin yanvar-sentyabr ayları ərzində Gürcüstan Azərbaycana
221,9 milyon ABŞ dolları dəyərində 22 587 ədəd avtomobil ixrac
edib.
Bu barədə Gürcüstan Milli Statistika İdarəsinin hesabatında qeyd
olunub. Bildirilib ki, hesabat dövründə Azərbaycana ixrac edilən
avtomobillərin dəyəri illik ifadədə 32,2 milyon dollar və ya 16,9%
artıb,
sayı isə 5 938 ədəd və ya 20,8% azalıb.
Ötən ilin ilk 9 ayı ərzində Gürcüstan Azərbaycana 189,7 milyon
dollar dəyərində 28 525 ədəd avtomobil ixrac edib.