Azərbaycan Respublikasının Qida Təhlükəsizliyi Agentliyində (AQTA)
Gürcüstan nümayəndə heyəti ilə görüş keçirilib.
AQTA-nın İnformasiya təminatı və innovativ həllər şöbəsindən
verilən məlumata görə, agentliyin sədr müavini Rəşad Mafusov
Gürcüstanın Milli Qida Agentliyinin rəis müavini Vasili Basiladze
ilə görüşüb.
Görüş zamanı AQTA-nın fəaliyyət istiqamətləri, qarşıya qoyulan
hədəflər, əhalinin sağlam və təhlükəsiz qida məhsulları ilə təmin
edilməsi istiqamətində həyata
keçirilən tədbirlər barədə Gürcüstan
nümayəndə heyətinə məlumat verilib.
Həmçinin görüşdə qida təhlükəsizliyinin təmin edilməsi
istiqamətində Gürcüstanla əməkdaşlığın genişləndirilməsi imkanları
barədə fikir mübadiləsi aparılıb, əməkdaşlığın perspektivləri
müzakirə olunub.
Mənbə: azertac.az