Gürcüstanın xarici işlər naziri İliya Darçiaşvili İrakli
Qaribaşvilinin Macarıstana səfərini qiymətləndirərək qeyd edib ki,
“Macarıstan ölkəmizin Avropa və Avro-Atlantik
inteqrasiyasının görkəmli tərəfdarıdır. Ona görə də bu səfərin
xüsusi əhəmiyyəti var idi”.
Xarici İşlər Nazirliyinin mətbuat xidmətindən verilən məlumata
görə, nazir iki ölkə arasında uğurlu əməkdaşlığın yeni mərhələyə
keçəcəyini qeyd edib.
"Bu illər ərzində qurduğumuz ikitərəfli münasibətlərdə ölkələrimizi
daha da yaxınlaşdıracaq, əməkdaşlıq daha da güclənəcək yeni konkret
impulslarımız olacaq", - deyə Darçiaşvili qeyd edib
və əlavə edib ki, ticarət-iqtisadi əlaqələr, eləcə də təhsil
sahəsində əməkdaşlıq Gürcüstan və Macarıstan arasında əlaqələrin
möhkəmləndirilməsi üçün prioritet istiqamətlər olacaq.