Daxili İşlər Nazirliyinin məlumatına görə, Martvili bələdiyyəsində 1958-ci il təvəllüdlü M.C. ailə üzvünə qarşı ağırlaşdırıcı

şəraitdə adam öldürməyə cəhddə ittiham olunub. O, saxlanılıb.

Agentliyin məlumatına görə, ata ov tüfəngindən açdığı atəşlə oğlunun üzündən və kürəyindən xəsarət yetirib.

“İstintaqda müəyyən edilib ki, Martvil bələdiyyəsində təqsirləndirilən şəxs qarşılıqlı mübahisə zəminində ov tüfəngindən açdığı atəşlə oğlu, 1994-cü il təvəllüdlü

L.J.-nin üzündən və kürəyindən xəsarət yetirib.

Yaralı L.J. təcili tibbi yardım briqadası tərəfindən tibb müəssisəsinə aparılıb.

Keçirilən əməliyyat-axtarış tədbirləri nəticəsində təqsirləndirilən şəxs polis tərəfindən isti izlərlə saxlanılıb. Hüquq-mühafizə orqanlarının əməkdaşları cinayət silahını sübut kimi götürüblər”, - deyə məlumatda qeyd olunub.

Daxili İşlər Nazirliyindən verilən məlumata görə, ailə üzvünə qarşı ağırlaşdırıcı şəraitdə qəsdən adam öldürməyə cəhd faktı üzrə Cinayət Məcəlləsinin 19-109-cu maddəsinin “k” bəndi ilə araşdırma aparılır.

Cinayət 16 ildən 20 ilədək azadlıqdan məhrumetmə ilə cəzalandırılır.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---

---

“Gürcü Arzusu” bir daha “Rusiya qanununu” qəbul etməyi planlaşdırır. Həmin qanun 2023-cü ilin mart ayında kütləvi etirazlar nəticəsində geri çəkilmişdi. “Gürcü Arzusu” ötən il vəd vermişdi ki, “Rusiya qanunu” Parlamentə qaytarmayacaqlar. Amma vədi pozublar. “Gürcü Arzusu” qanun layihəsinin ilkin formasından yalnız “agent” sözünü çıxarıb və onu xarici maraqların daşıyıcısı ilə əvəz edib.
Qanuna görə, gəlirinin 20%-dən artığı xaricdən əldə olunan bütün QHT və media təşkilatlar xarici qüvvələrin maraq daşıyıcısı hesab olunurlar. Dövlət bu təşkilatların fəaliyyətini və məqsədlərini araşdırmayacaq, onların hamısına xarici qüvvələrin maraq daşıyıcısı adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən gələn maliyyəyə deyil, Avropa və Amerikadan gələn maliyyəyə istiqamətlənib.
Qanunun irəli sürülməsinə görə, Avropa İttifaqı üzvləri və Gürcüstanın dost ölkə liderləri öz təəccüblərini bildiriblər, Rusiya Prezidentinin mətbuat katibi isə “Gürcü Arzusu”-nun qanununu bəyənib.