Gürcüstan Təhsil, Elm, Mədəniyyət və İdman Nazirliyi keçid
balını toplamalarına baxmayaraq universitetlərə daxil ola bilməyən
abituriyentlərin məsələsini gələn həftədən müzakirə edəcək.
Nazirlikdən “Marneuli” radiosuna verilən məlumata görə, məsələ ilə
bağlı məlumatlandırılblar, nazirlə məsləhətləşmələr də keçirilib və
bir neçə gün ərzində məsələ ilə bağlı qərar veriləcək.
Qeyd edək ki, abituriyentlər universitetə daxil olmaq üçün güzəşt
olunmasını siyasi
güc vasitəsilə tələb edirdilər. “Avropalı
Gürcüstan” partiyasının nümayəndəsi Əhməd İmamquliyevin dediyinə
görə, ona 482 nəfər müraciət edib. Bunlardan əksəriyyəti isə Kvemo
Kartlidə yaşayır. O, deyir ki, onlara daha bir imkan
verilməlidir.
İmamquliyevin dediyinə görə, abituriyentlərin əsas problemi düzgün
məlumat ala bilməmələridir. Düzgün məlumat almamaq dedikdə isə o,
abituriyentlərin müraciət fomasında istədikləri qədər universitet
göstərə biləcəkləri barədə məlumatlarının olmamasını nəzərdə
tutur.