“BEEZ FİLM” studiyası Mikayıl Müşfiqin xatirəsinə həsr olunmuş film çəkib (VİDEO)
13:59 / 06.06.2024
Qardabanidə fəaliyyət göstərən “BEEZ FİLM”
studiyası tərəfindən qısametrajlı film çəkilib.
Film Azərbaycanın məşhur şairi Mikayıl Müşfiqin
xatirəsinə həsr olunub.
“BEEZ” Uşaq Teatrının bədii rəhbəri və Heydər
Əliyev adına Tbilisi Dövlət Azərbaycan Dram Teatrının keçmiş
aktyoru Binəli İslamoğlunun sözlərinə görə, film “N°1 1 0
9” adlanır. O, “Marneuli” radiosuna bildirdi ki, filmin
ərsəyə gəlməsində onlara heç kim dəstək olmayıb və öz imkanları ilə
çəkiblər.
“Bu qısa filmdə Mikayıl Müşfiqi az da olsa, yad etməyə
çalışdıq. UNUTMA! UNUTDURMA! Müşfiq kimi bir çox dəyərli şair və
insanlar Stalin repressiyasının qurbanı olublar. Filmdə onu
göstərməyə çalışdıq ki, 1937-ci il hələ də günümüzdə başqa adlar
altında davam edir. Bu minlərlə günahsız körpələrin, insanların
ölümüdür. Onlar buna ədalət deyirlərsə, biz bu ədaləti qəbul
etmirik”, – Binəli İslamoğlu dedi.
Rollarda “BEEZ” Uşaq Teatrının balaca aktyorları – İslam
Akif, Nuri Qurbanov, Rabiyə Əhmədova, Səma Ləzgiyeva, Məryəm
Əliyeva, Zəhra Akif, Seymur Muradov və Əzəm Əfəndiyeva da
oynayıblar.
Filmin rejissoru və ideya müəllifi “BEEZ” Uşaq Teatrının bədii
rəhbəri Binəli İslamoğlu, qrim və operatoru
AzMus, rəssamı isə Rasim
Həsənovdur.
Film Hüseyn Cavidin “Azər” poeması və
Xəlil Rza Ulutürkün “Davam edir 37” şeirinin
motivləri əsasında hazırlanıb.
Bizi Teleqramda izləyin! Yeni xəbərlər anında kanalda! Linkə daxil olub
abunə olun!
Bizi WhatsAppda izləyin! Yeni xəbərlər anında kanalda! Linkə daxil olub
abunə olun!
Digər maraqlı xəbərlər "Marneuli" radiosunun
Facebook səhifəsində.
Bizi "Telegram"da
izləyin.
Şahidi olduğunuz hadisələri çəkib bizə göndərin!
+995557994415“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.