26 may tarixində baş vermiş təbii fəlakətdən sonra Marneuli bazarı
adi iş rejimində öz fəaliyyətini davam etdirir.
Təbii fəlakət zamanı Marneuli bazarı tamami ilə su altında
qalmışdı. Bir çox sahibkara ziyan dəymişdir. 26 gün keçməsinə
baxmayaraq Marneuli bazarında çalışan kiçik biznes nümayəndələrinə
heç bir dəstək olunmayıb.
Sahibkarlar "Marneuli" radiosu ilə söhbəti zamanı bildirdilər ki,
indiki mərhələdə
yerli özünüidarə orqanlarından heç kim onlarla
əlaqə saxlamayıb, kompensasiya və ya dəymiş ziyanın ödənilməsi
məsələsini müzakirə etməyiblər.
"Dövlət nümayyəndələri yaxşı bilirlər kömək oldumu
olmadımı? Danışmağın mənası yoxdu. Heç bir köməklik yoxdu. Nə
oldusa burdakılara oldu. Özünüz də gördünüz. Nələr çıxardıb,
tökdük. Gəlib nə maraqlanan oldu, nə də ki, gəlib gedən oldu. Olan
bizə oldu".
Marneuli bazarında işləyən 63 yaşlı Təbiət
Cəlilova deyir ki, 40 ildir bazarda işləyir. Onun sözlərinə görə,
bir çox məhsullu suyun altında qalıb və xarab olub.
"Bizim problemlərimizlə maraqlana olmadı. Heç kim
maraqlanmadı. Suyun içində qaldıq, deyən oldumu alın bu 5 manatı
cibinizə qoyun. Sığorta veririk. Deyirlər yanğına olar, suya olmaz.
Hökumətmi var. Kim var ki, bizə yazığı gələ. 10 min dollarlıq toy
məhsullarını zibilə tökdüm. Allaha and olsun acından ölürük.
Bunlardan 350 lari borc aldım ki, əlimizdə maya olsun. Banklara
borcum var. Sabah 500 lari verəsiyəm, mən anası ölmüş nə edim. Elə
pis vəziyyətdəyik ki, ayrı cür. 40 ildir ki, bazarda işləyirəm. 63
yaşım var balaca deyiləm. Bunlar cavandılar, təzə gəliblər. Mən
həyatda belə şey görməmişdim. Fişənkləri, dəvətnamələri, kağız olan
hər şeyi zibilə tökdüm. Toy üçün lazım olan heç nə yaramadı.
Paltarı hamı yudu satdı. Amma mən toy əşiyalarımı zibilə tökdüm.
Oğlum 3 min dollarlıq təzə il əşiyaları gətimişdi. Oğlum dedi ki,
sezon başlayanda sataram. And olsun hamısını zibilə
tökdük", – Təbiət Cəlilova dedi.
Yeganə güzəşt, bazar rəhbərliyindən olub. Sahibkarlar deyir ki,
kirayənin 25 faizinin ödənilməsindən azad olunublar.
"Bazar rəhbərliyi 20-cə lari kirayə pulumuzdan
keçdilər. Hərənin özünün piştaxtasına görə arend pulu yığılır.
Misal üçün 20 məndən keçdilər, 30 ondan keçdilər, 10 lari ondan
keçdilər. İndi gələn dəfə necə olacaq bilmirik. Sığorta şirkəti heç
bir yardım etmədi. Heç haradan heç kim gəlməyib. Bəlkə gəliblər biz
görməmişik".
Qeyd edək ki, 25 may tarixində, Marneulidə gecə saatlarında baş
vermiş təbii fəlakət əhaliyə xeyli ziyan vurub. Güclü yağışlar
nəticəsində Algeti, Xrami və Debet çayları daşıb. Marneuli
şəhərinin küçələrinin bir hissəsini su basıb. Bələdiyyənin bir neçə
kəndi və əkin sahələri su altında qalıb. İndiyədək dəymiş ziyanın
miqdarı ilə bağlı məlumatımız yoxdur.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.