Marneuli şəhərinin Xudu Borçalı və İkinci Erekle küçələrində yaşayan sakinlər içməli su problemindən şikayətlənirlər (VİDEO)
16:53 / 11.06.2024
Marneuli şəhərinin Xudu Borçalı və İkinci Erekle küçələrində
yaşayan sakinlər içməli su problemindən şikayətlənirlər.
Sakinlərin sözlərinə görə, içməli suyun olmaması onlara problem
yaradır, çünki gündəlik ehtiyaclarını qarşılamaq üçün içməli su
almalı olurlar.
Sakinlər onu da bildirdilər ki, onlar dəfələrlə “Gürcüstan
Birləşmiş Su Təchizatı” şirkətinin Kvemo Kartli regional filialının
nümayəndəsi Rövşən Babakişiyevlə əlaqə saxlamağa çalışıblar. Amma
Babakişiyev onların zənglərinə cavab verməyib.
Məsələyə aydınlıq gətirmək üçün “Gürcüstan Birləşmiş Su Təchizatı”
şirkətinin Kvemo Kartli regional filialının nümayəndəsi Rövşən
Babakişiyevlə əlaqə saxladıq. O, bizimlə söhbəti zamanı bildirdi
ki, hal-hazırda həmin ərazidə reabilitasiya işləri gedir və işlər
başa çatdıqdan sonra içməli su gün ərzində veriləcək.
Qeyd edək ki, Marneuli şəhəri və kəndlərində su və kanalizasiya
layihəsinin icrasına 2019-cu ildən başlanılıb. Yollar qazılıb,
borular çəkilib, infrastruktur zədələnib, köhnəlmiş yollar
səbəbindən ictimai nəqliyyat və yerli avtomobillərə ziyan dəyib.
Layihənin “Akelik Group” şirkəti tərəfindən 2021-ci ilin mart ayına
qədər başa çatdırılması nəzərdə tutulurdu, lakin şirkət
öhdəliklərini yerinə yetirə bilmədi və bu səbəbdən Marneulidə 55
940 22 dollarlıq layihə dayandırıldı.
Su təchizatı şirkəti Türkiyə və Çin şirkətləri ilə yeni müqavilə
imzalayıb. İşlər çərçivəsində yeni su təchizatı şəbəkəsi, nasos
stansiyası və su anbarları tikilir. Bundan əlavə, yeni su şəbəkəsi
və müasir standartlara cavab verən təmizləyici qurğu qurulacaq.
Layihəyə Asiya İnkişaf Bankının dəstəyi ilə 135 milyon laridən
artıq vəsait xərclənəcək.
Layihə nəticəsində Marneuli əhalisi 24 saat su təchizatı və yeni su
infrastrukturu ilə təmin edilməlidir.
Bizi Teleqramda izləyin! Yeni xəbərlər anında kanalda! Linkə daxil olub
abunə olun!
Bizi WhatsAppda izləyin! Yeni xəbərlər anında kanalda! Linkə daxil olub
abunə olun!
Digər maraqlı xəbərlər "Marneuli" radiosunun
Facebook səhifəsində.
Bizi "Telegram"da
izləyin.
Şahidi olduğunuz hadisələri çəkib bizə göndərin!
+995557994415“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.