Marneulidə fəaliyyət göstərən “Sarvan” Folklor Ansamblının üzvləri
Türkiyənin İstanbul şəhərində keçirilən 24-cü Türk Dünyası Uşaq
Festivalında iştirak ediblər.
Ansamblın rəhbəri Cəmilə Səttarqızı “Marneuli” radiosu ilə söhbəti
zamanı bildirdi ki, onlar öz mədəniyyətini və adət ənənələrini
qoruyub saxlamaq üçün bu yola çıxıblar.
“Biz bu tədbirə “Sarvan” Folklor Ansamblı olaraq
qatıldıq. Biz hal-hazırda “Azərbaycan Evi”nin nəzdində fəaliyyət
göstəririk. Biz 18 ilə yaxındır ki, fəaliyyət göstəririk. Borçalı
türkləri olaraq, çətin şərtlər altında öz mədəniyyətimizi təmsil
edirik. Mədəniyyətimizi qoruyub saxlamaq üçün bu yola çıxmışıq. 18
il ərzində yüzlərlə tələbə yetişdirmişəm. Hər birinə öz
mədəniyyətimizi öyrətmişik. Təkcə rəqs mədəniyyətimizi deyil, aşıq
yaradıcılığını da təbliğ etmişik. Tariximizdən bəhs etmişik. Eyni
zamanda milli rəqslərimizin tarixçəsini də öyrətmişik. Bununla
yanaşı gürcü rəqslərini də öyrətmişik. Ancaq bizim ana xəttimiz öz
milli rəqslərimizi qoruyub saxlamaq və inkişaf etdirmək və gənc
nəslə ötürməkdir. Biz ölkədaxili və xarici festivallarda çox
iştirak etmişik. Çox nailiyyətlər qazanmışıq. Dövlət tədbirlərində
və milli bayramlarda iştirak etmişik. Eyni zamanda Gürcüstan
Mədəniyyət Nazirliyi tərəfindən keçirilən tədbirlərdə milli
dəyərlərimizi təbliğ etmişik. Ən çoxu Türkiyədə keçirilən
festivallarda təmsil olunmuşuq. Gürcüstan bayrağı altında Borçalı
türklərini, azərbaycanlıları təmsil etmişik”.
Festivalda Cəmilə Səttarqızının rəhbərliyi altında iştirak edən
“Sarvan” Folklor Ansamblı Azərbaycan milli musiqilərini və
Borçalıya aid olan Tərəkəmə rəqsini ifa ediblər. Onun sözlərinə
görə, Tərəkəmə rəqsi iştirakçılar tərəfindən coşquyla qarşılanıb.
Sonra Türk Dünyasının dörd bir yanından gəlmiş 250-dən çox uşaq öz
ölkələrinin mədəniyyətini, incəsənətini və milli musiqisini ifa
edib tanıdıblar.
“Böyük bir festival idi. Festivalın əsas məqsədi dünya
Türklərinin, yəni 300 milyonluq Türk dünyasının bir araya gəlməsi
idi. Biz də öz növbəmizdə, Gürcüstanda yaşayan türklər olaraq öz
mədəniyyətimizi nümayiş etdirdik. Biz orada bizə məxsus olan
adət-ənənəmizlə çıxış etdik. Biz əsas orada özümüzə məxsus olan
Tərəkəmə rəqsini nümayiş etdirdik. Həmin festivala Türk dünyasından
21 ölkə qatılmışdı və Gürcüstandan təkcə biz, Marneulidə fəaliyyət
göstərən “Sarvan” Folklor Ansamblı qatılmışdı. Orada öz
mədəniyyətimizi və xalqımızı təmsil etdik. Artıq Türk dünyasının
içində bizim də imzamız oldu. İlk dəfədir ki, biz özümüzün və sahib
olduğumuz milli kimliyimizlə festivalda iştirak etdik. Borçalı
türkləri və ya Gürcüstan türkləri olaraq imzamızı atdıq. Festivalda
iştirak edənlərin bizim haqqımızda heç bir təsəvvürləri yox idi.
Amma mən onlara bir-bir hamısına izah edərək, özümüz haqda,
mədəniyyətimiz haqda məlumat verdim. Onlarda çox sevindi ki,
həqiqətən Gürcüstanda belə bir toplum var və öz mədəniyyətini, adət
ənənələrini qoruyub saxlayır”.
Ansamblın rəhbərinin sözlərinə görə, bəzi xarici festivallara
qatılan zaman çətinliklərlə qarşılaşırlar. Onun deyir ki, bununla
bağlı aidiyyəti orqanlara müraciət etsələr də, onlara dəstək
olmurlar.
“Sonda mənim bir iradım var. Onu da bildirim. Bizim
heyəti bir həftə ərzində Türkiyədə təmənnasız qarşıladılar. Amma
sadəcə Gürcüstandan Türkiyəyə getməyə xərclərimizi bizim özümüz
qarşıladıq. Tələbələrimin bəziləri aztəminatlı ailələr idi. Bununla
bağlı aidiyyəti orqanlara və deputatlarımıza müraciət etdik.
Təəssüflər olsun ki, bizə dəstək olan olmadı. Mən burada öz cibim
üçün çalışmamışam. Millətimin adını ucaltmaq üçün çalışıram. Amma
təəssüflər olsun ki, bizə dəstək olmadılar. Bu günə qədər öz
gücümüzə ayaqda durmağa çalışmışıq”.
Qeyd edək ki, festival 31 may 7 iyun tarixlərində Türkiyənin
İstanbul şəhərində keçirildi. Festival Türkiyənin Xaricdə Yaşayan
Türklər və Əqraba İcmaları baş idarəsinin (YTB) və Türk Dünyası
Araşdırmaları Fondunun təşəbbüsü və təşkilatçılığı ilə baş tutub.
Tədbirə Türkiyə və Gürcüstanla yanaşı Azərbaycan, Qazaxıstan,
Qırğızıstan, Türkiyə, Başqırdıstan, Qaqauziya, Krım, Yakutiya,
Tatarıstan, Tuva, Bolqarıstan, Kabarda-Balkar, İraq, Axıska və
şərqi Türküstandan 250-dən çox uşaq iştirakçı qatılıb.
Festivalda Türk Dünyası Araşdırmaları Fondunun rəhbəri Gözhan
Yazqan, İstanbul şəhər Gənclər və idman idarəsinin rəhbəri Muhittin
Özbay, İstanbul Milli Təhsil şöbəsinin rəhbəri Dr. Mücahit Yentürk,
İstanbul Valisinin müavini Məhmət Sülün, Samsun Millət vəkili və
MHP sədrinin müavini Prof. Dr. İlyas Topsakal və Moldovaya bağlı
Qaqauziya Muxtar Respublikasının Mədəniyyət naziri Marina Semyonova
və başqaları çıxış ediblər. Daha sonra isə festivalda iştirak edən
qrup rəhbərlərini İstanbul şəhər valisi (qubernator) Davut Gül
qəbul edib. Onlara festivalda iştirakı üçün təşəkkür edib.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.