Gürcüstana gələn turistlərin icbari sağlamlıq və bədbəxt
hadisələrdən sığortası 2026-cı il yanvarın 1-dək təxirə salınıb.
Parlament üçüncü oxunuşda “Turizm haqqında” qanuna dəyişikliyi
dəstəkləyib, ona görə Gürcüstana gələn turistlər 2026-cı il
yanvarın 1-dək sağlamlıq və bədbəxt hadisələrdən sığorta
almayacaqlar.
Layihəni Parlamentə “Gürcü arzusu”nun deputatları təqdim
ediblər.
“Turizm haqqında” qanuna əsasən, Gürcüstana gələn turistlərin
icbari sağlamlıq və bədbəxt
hadisələrdən sığortası olmalıdır. Qeyd
olunan şərt 2024-cü il iyunun 1-dən həyata keçirilməlidir.
Layihənin təşəbbüskarlarının izah etdiyi kimi, “Gürcüstana gələn
turistlərin icbari sağlamlıq və bədbəxt hadisələrdən sığortası
qaydalarının və şərtlərinin təsdiq edilməsi haqqında” qərarın
hazırlanması prosesində bir sıra məsələlər müəyyən edilib və bu,
müvafiq tələbin 2026-cı il yanvarın 1-dək dayandırılmasını
məqsədəuyğun edib.
“Aydındır ki, özəl sektora uyğunlaşmaq üçün əlavə vaxt
lazımdır və hazırkı mərhələdə gözlənilən dəyişikliklərə hazır
deyil.
Yeni qaydaların tətbiqi çoxmərhələli hazırlıq prosesini tələb edir
- özəl sektorun, eləcə də xarici ölkələrin səfirlik və
konsulluqlarının lazımi qaydada məlumatlandırılması, informasiya
kampaniyalarının aparılması və digər müvafiq tədbirlərin həyata
keçirilməsi sektora səmərəli şəkildə kömək edəcək”, -
qanun layihəsinin izahatında deyilir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.