საქართველოში ცოცხალი ქათმის იმპორტი 5.8%-ით გაიზარდა. გასული წლის იანვარ-აპრილში თუ 1.638 მლნ დოლარის 138 ტონა ცოცხალი ქათამი ვიყიდეთ, წელს შეძენილი ქათმის ღირებულებამ 1.733 მლნ დოლარი (117 ტონა) შეადგინა.

აღსანიშნავია ისიც, რომ 2024 წლის იანვარ-აპრილში ცოცხალი ქათმის ძირითადი იმპორტიორი თურქეთი იყო. მისი წილი აღნიშნული პროდუქტის იმპორტში 62%-ს შეადგენდა. კერძოდ, ამავე პერიოდში, იმპორტიორი ქვეყნები ასე გამოიყურება:

• თურქეთი - 1
  016 930 დოლარი (102 ტონა)
• ბელგია - 392 900 დოლარი (12.29 ტონა)
• უნგრეთი - 180 730 დოლარის (1.08 ტონა)
• საფრანგეთი - 142 360 დოლარი (0.87 ტონა)

იმპორტისგან განსხვავებით, 11.7%-ით არის შემცირებული ცოცხალი ქათმის ადგილობრივი ექსპორტი. გასული წლის იანვარ-აპრილში ექსპორტირებულია 2,283 მლნ დოლარის 199 ტონა, ხოლო მიმდინარე წლის იმავე პერიოდში 2,017 მლნ დოლარის 137 ტონა.

რაც შეეხება ქვეყნებს, ადგილობრივი საექსპორტო ბაზრები საქართველოსთვის ასე გადანაწილდა:

• სომხეთი - 1 134 290 დოლარი (66.9 ტონა)
• აზერბაიჯანი - 882 620 დოლარი (70.48 ტონა)

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.