ევროკავშირი რუსული მილსადენებით აზერბაიჯანული გაზის ტრანსპორტირებას გეგმავს
ევროკავშირი აზერბაიჯანიდან გაზის ტრანსპორტირებისთვის ახალ გეგმას განიხილავს. რისთვისაცმ უკრაინის ტერიტორიაზე გამავალ, რუსულ მილსადენებს გამოიყენებს. ამის შესახებ Bloomberg იტყობინება.

ევროკავშირს სურს მოიძიოს ენერგიის სხვადასხვა წყაროები და ნაკლებად იყოს დამოკიდებული რუსულ გაზზე. ევროკავშირის ოფიციალური პირები და ევროპული მთავრობების წარმომადგენლები უკრაინასთან აწარმოებენ მოლაპარაკებებს, რათა მათ ტერიტორიის გავლით რუსული გაზის ტრანზიტის შესახებ შეთანხმება გახანგრძლივდეს 2025 წლის შემდეგაც, მაგრამ ოლექსი ჩერნიშოვმა, უკრაინის ნაფტოგაზის
აღმასრულებელმა დირექტორმა, თქვა, რომ უკრაინა არ შეუერთდება ევროკავშირის არცერთ პროექტს, რომელშიც ჩართული იქნება რუსული გაზის კომპანია(გაზპრომი).

ერთი იდეაა, რომ ევროკავშირმა იყიდოს გაზი აზერბაიჯანიდან და გამოიყენოს რუსული მილსადენები უკრაინაში მის ტრანსპორტირებისთვის. ამგვარად, ევროკავშირს არ მოუწევს გაზის ყიდვა პირდაპირ რუსეთიდან.

უკრაინა ღიაა აზერბაიჯანიდან გაზის შესაძენად და სურს საკუთარი მილსადენების გამოყენება. ევროკავშირი თვლის, რომ მნიშვნელოვანია უკრაინის გავლით ტრანზიტის შენარჩუნება, რათა ამით დაეხმაროს ქვეყნის ეკონომიკასაც.

ასევე, ევროპელი ოფიციალური პირები შეშფოთებულნი არიან, რომ გამოუყენებელი მილსადენები შეიძლება დაზიანდეს ან სამხედრო კონფლიქტის დროს, საოკუპაციო ძალების სამიზნედ იქცეს - ნათქვამია Bloomberg-ის განცხადებაში.


„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.
Print ელ. ფოსტა
FaceBook Twitter Google
მსგავსი სიახლეები