აზერბაიჯანის დედაქალაქში მრავალჯერ ნასამართლები როვშან
ალაჰვერდიევის დაკავებისას 4 ადამიანი დაიღუპა.
დაკავების მცდელობისას ალაჰვერდიევმა სამართალდამცავებს ცეცხლი
გაუხსნა. შედეგად 3 პოლიციელი და 1 მშვიდობიანი მოქალაქე დაიღუპა.
"არაერთხელ ნასამართლებმა და ძებნაში მყოფმა როვშან
ალაჰვერდიევმა პოლიციის თანამშრომლებს დაკავებისას შეიარაღებული
წინააღმდეგობა გაუწია. მან საპასუხო ცეცხლისგან თავის არიდების
მიზნით, ცოცხალ ფარად საკუთარი ოჯახის წევრი
გამოიყენა". – წერია აზერბაიჯანის შინაგან საქმეთა
სამინისტროს განცხადებაში.