2 may 2024-cü il tarixindən etibarən AUSTRIAN AIRLINES Tbilisi hava
limanında fəaliyyətə başlayacaq.
Gürcüstan Hava Limanları İttifaqının məlumatına görə, aviaşirkət
həftədə 3 dəfə Vyana-Tbilisi-Vyana istiqamətində birbaşa müntəzəm
reyslər həyata keçirəcək.
“Artıq biz Aİ-yə üzvlüyə namizəd statusunun ilk nəticələrini
görürük ki, bu da il ərzində Avstriya Hava Yolları ilə danışıqların
yekun mərhələsinin uğurla başa çatmasına töhfə verib”,
- deyə Gürcüstan Hava Limanları Assosiasiyasının baş
direktoru İrakli Karkaşadze bildirib.
Aviabiletləri bu gündən etibarən aviaşirkətin www.austrian.com
rəsmi saytından əldə etmək olar.
1957-ci ildə əsası qoyulan AUSTRIAN AIRLINES Avstriyanın rəsmi
aviadaşıyıcısı və Lufthansa Qrupunun törəmə şirkətidir. Star
Alliance üzvü olan aviaşirkət 55 ölkədə 120 istiqamətə uçuşlar
həyata keçirir. Tərkibində 65 təyyarə var ki, onların da
əksəriyyəti Airbus A320 tipli hava gəmilərdir.