Gürcüstan hökuməti qanunvericilik təşəbbüsü üzərində işləyir, ona
əsasən, 2000 nəfərə qədər insan
koronavirus pandemiyası zamanı tətbiq edilən cərimələrdən azad
olunacaq. Məsələ hökumətin iclasında müzakirə olunacaq, daha sonra
parlamentə göndəriləcək.
Baş nazir İrakli Kobaxidze bəyan edib ki, 1855 nəfər və 38 şirkət
bundan sonra cərimə ödəməli olmayacaq. Ümumilikdə söhbət 5.600.000
laridən gedir.
“Artıq bir neçə ildir ki, vətəndaşlarımız cərimələrlə
üz-üzə qalıb, onların götürülməsi, fikrimizcə, tamamilə əsassız
olardı”, - İrakli Kobaxidze bildirib.
İki ilə yaxındır ki, Gürcüstanda müştərək qaydalar ləğv edilib.
Pandemiya zamanı, 2020-ci ilin mart ayından etibarən Gürcüstanda
təcrid, hərəkət, toplaşmalar və maskalardan məcburi istifadə ilə
bağlı məhdudiyyətlər də daxil olmaqla ciddi məhdudiyyətlər tətbiq
olunur.
Gürcüstan parlamenti 2021-ci ildə tətbiq edilən cərimələrə
amnistiya elan etdi, baxmayaraq ki, bundan sonra da müəyyən
qaydalar qüvvədə idi. Ləğv edilməsi hökumətin iclasında müzakirə
olunan cərimələr bu müddətdən sonra tətbiq edilir.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415
“Gürcü Arzusu” bir daha “Rusiya qanununu” qəbul etməyi
planlaşdırır. Həmin qanun 2023-cü ilin mart ayında kütləvi
etirazlar nəticəsində geri çəkilmişdi. “Gürcü Arzusu” ötən il vəd
vermişdi ki, “Rusiya qanunu” Parlamentə qaytarmayacaqlar. Amma vədi
pozublar. “Gürcü Arzusu” qanun layihəsinin ilkin formasından yalnız
“agent” sözünü çıxarıb və onu xarici maraqların daşıyıcısı ilə əvəz
edib.
Qanuna görə, gəlirinin 20%-dən artığı xaricdən əldə olunan bütün
QHT və media təşkilatlar xarici qüvvələrin maraq daşıyıcısı hesab
olunurlar. Dövlət bu təşkilatların fəaliyyətini və məqsədlərini
araşdırmayacaq, onların hamısına xarici qüvvələrin maraq daşıyıcısı
adını verəcək.
Qanun sivil ölkələrdə olduğu kimi düşmən əhval-ruhiyyəli ölkələrdən
gələn maliyyəyə deyil, Avropa və Amerikadan gələn maliyyəyə
istiqamətlənib.
Qanunun irəli sürülməsinə görə, Avropa İttifaqı üzvləri və
Gürcüstanın dost ölkə liderləri öz təəccüblərini bildiriblər,
Rusiya Prezidentinin mətbuat katibi isə “Gürcü Arzusu”-nun qanununu
bəyənib.