Marneuli bələdiyyəsinin Gender Bərabərliyi Şurasının üzvlərinin
sayı artıb.
Marneuli Bələdiyyə Məclisi 20 oktyabr tarixində şura üzvlərinin
sayında dəyişiklik edilməsi barədə qərar qəbul edib. Məsələni
müzakirəyə çıxaran meriyanın Gender Bərabərliyi Şurasının katibi İa
Esebua Bələdiyyə Məclisinin iclasında bildirdi ki, meriya və
Bələdiyyə Məclisi əməkdaşları şuraya üzv olmaq istəklərini
bildiriblər.
“Bildiyiniz kimi, Marneuli meriya və Bələdiyyə Məclisinin bir neçə
əməkdaşı meriyanın Gender Bərabərliyi Şurasına üzv olmaq
istəklərini bildiriblər. Onlar Gender Bərabərliyi Şurasının
müxtəlif fəaliyyətlərində iştirak etmək istəyirlər. İndiki
mərhələdə 30 nəfər şura üzvü var idi. Amma bir nəfər şuranı tərk
edir. Çünki artıq meriyada işləmir, beş nəfər isə əlavə
olunur”, – İa Esebua bildirib.
Marneuli meriyasının İctimaiyyətlə Əlaqələr Şöbəsinin əməkdaşları
Lika Kamuşadze, Səmayə Məmmədova və Davit Nikuridze, Bələdiyyə
Məclisindən isə Reona Axobadze Marneuli Gender Bərabərliyi Şurasına
üzv olmaq istəyir.
Bələdiyyə Məclisinin sədri Amiran Qiorqadze Bələdiyyə Məclisi və
meriya əməkdaşlarını Gender Bərabərliyi Şurasına fəal olaraq
qoşulmağa çağırıb.
“Biz dəfələrlə bununla bağlı qeyd etmişik ki, əksinə, kiminsə
Gender Bərabərliyi Şurasına qoşulmaq istəyi varsa, bunu
alqışlayırıq. Say məhdud deyil, sadəcə bizə müraciət etməlisiniz.
Yaxşı olar ki, bu istiqamətdə təcrübəsi olan adamlar
qoşulsun”, – Amiran Qiorqadze bildirib.
Qeyd edək ki, 20 oktyabr tarixində Marneuli Bələdiyyə Məclisinin
iclası baş tutub. İclasda 9 məsələ müzakirəyə çıxarılıb və hər biri
ilə bağlı müsbət qərar qəbul edilib.