Մառնեուլիի թիվ 1 հանրակրթական դպրոցում գործում է ամառային դպրոց։
Դասընթացը նախատեսված է նույն դպրոցի աշակերտների համար։ Ինչպես
ասում է դպրոցի տնօրեն Քեթևան Մերաբիշվիլին, «Ռադիո Մառնեուլիի»
հետ զրույցում, այս փուլում ունեն տարրական և միջին դասարանների մինչև
20 աշակերտ, որոնց լրացուցիչ կդասավանդվի վրացերեն լեզու։
«Ի
նչպես գիտեք, ամեն դասաժամին ուսուցչին հանձնարարվում է
մշակել ազգային ուսումնական ծրագրով նախատեսված հիմնական
կարողությունները, քանի որ այդ կարողությունները հավասարապես
անհրաժեշտ են բոլոր առարկաները սովորելու համար: Իրականությունը ցույց
է տալիս, որ այդ արդյունքների վրա կենտրոնացած գործողությունները
հազվադեպ են հանդիպում դասարանական աշխատանքներում կամ արդյունավետ
չեն:
Ամառային դպրոցի ձևաչափը լավ հնարավորություն է ընձեռում ուսուցչին
մշակելու ծրագիր, որը կենտրոնացած է այս կարիքների վրա: Ամառային
դպրոցը հիմնականում դիտարկում է սոցիալական ուղղվածությունը։ Օրինակ,
այն կարող է նպատակ ունենալ զարգացնել սոցիալական իրավասություն,
ինչպիսին է տարբեր միջավայրերում կառուցողական հաղորդակցվելու
կարողությունը: Նշենք, որ բացի թվարկված հմտությունների զարգացումից,
մեր ամառային դպրոցն օգնում է աշակերտներին սովորել և զարգացնել
վրացերենը։
Թիվ 1 հանրակրթական դպրոցի ամառային դպրոցը բացվել է հուլիսի 1-ին և
գործելու է մեկ ամիս։ Նույն դպրոցի սաներին վրացերենը որպես երկրորդ
լեզու դասավանդում է Ջուլիետա Կվարայան։
Լուսանկարը՝ Մառնեուլիի թիվ 1 հանրային դպրոցի ֆեյսբուքյան էջից
"Ռադիո Մառնեուլի"
Թարգմ․ ՝ Մարգարիտա Միսկարյան