Այսօր՝ նոյեմբերի 21-ին, Մառնեուլիի քաղաքապետարանի նիստերի դահլիճում տեղի ունեցավ 2023 թվականի բյուջեի նախագծի առաջին հանրային քննարկումը։ Քաղաքապետարանի ֆինանսաբյուջետային ծառայության ներկայացուցիչ Լևան Գաբաձեն ներկայացրել է բյուջեի եկամուտների առաջին տարբերակի, ըստ առաջնահերթությունների և ենթակառուցվածքային աշխատանքների նախատեսվող ծրագրերի շնորհանդեսը։ Շնորհանդեսից հետո ներկաները հնարավորություն ունեցան հարցեր ուղղել և քննարկել բյուջեի նշումները։ 2023 թվականի բյուջեի քննարկմանը հիմնականում մասնակցել են քաղաքապետարանի և ավագանու աշխատակիցները։ Քննարկմանը մասնակցել և իրենց առաջարկները ներկայացրել են մի քանի կազմակերպություններ։ Քաղաքացիական ներգրավվածության և ակտիվության կենտրոնից Ռաշան Զիադալիևի հիմնական հարցը ուղղված էր Մառնեուլիում նախադպրոցական կրթության մատչելիությանը:

«Համատեղ նախագիծը, որը մենք ներկայացրել ենք Սաֆարիի անունով, այն է, որ մենք ուսումնասիրություն ենք անցկացրել բնակչության կարիքների վերաբերյալ և պարզել, որ Կաչագնի և Աղմամեդլո գյուղերի բնակչությունը մանկապարտեզի կարիք ունի։ Նույն թեմայով հանդիպում ունեցանք նաև ինքնակառավարման մարմինների ներկայացուցիչների հետ։ Այնտեղ նշվել է, որ բյուջեում ներառված է Կաչագան գյուղում նոր մանկապարտեզի կառուցումը, դիմում է ներկայացրել նաեւ բնակչությունը։ Ինչպես հիշում եմ, 2023 թվականի բյուջեում ներառված էր, բայց բյուջեի ներկայացման ժամանակ չլսեցի։

Զիադալիեւի հարցին փորձել են պատասխանել քաղաքապետարանի մի քանի աշխատակիցներ։ Ինչպես ասել է Սակրեբուլոյի պատգամավոր Ադիլ Ալիևը, մանկապարտեզների շինարարությունը հանվել է բյուջեից այն պատճառով, որ ենթակառուցվածքների նախարարությունը ստանձնել է ուսումնական հաստատությունների կառուցման պատասխանատվությունը։ Կառուցվելիք օբյեկտների ցանկում է նաև Կաչագնիի մանկապարտեզը։

«Նախատեսվում է մանկապարտեզների կառուցում, բայց կենտրոնական բյուջեից։ Այսպես է կառուցվել Քութլիարիի դպրոցը, Սաբիրքենդիի դպրոցը։ Կենտրոնական իշխանությունը մեզ ասաց, որ երկու տարում պետք է մի քանի մանկապարտեզ կառուցվի »,- ասաց Ադիլ Ալիօղլուն՝ նշելով, որ Կաչագնիի մանկապարտեզը նախատեսվում է կառուցել 2023-2024 թվականներին։

Բյուջեի քննարկման ժամանակ Քաղաքացիական ներգրավվածության եւ ակտիվության կենտրոնի մեկ այլ ներկայացուցիչ Նաշիր Օրդուխանովը հարց է հնչեցրել։ Նաուշադրությունը հրավիրել է երիտասարդական ծրագրերի վրա։

«Ինձ հետաքրքիր է, թե կոնկրետ ինչ ծրագրեր ունեք երիտասարդական բաժնում։ Նախորդ տարվա համեմատ այս տարի նորություններ կամ նոր հաղորդումներ ունե՞ք։ Քաղաքապետարանը մտածո՞ւմ է երիտասարդության բյուջեն ավելացնելու մասին։

Օրդուխանովի հարցին պատասխանել է քաղաքապետարանի ֆինանսաբյուջետային ծառայության պետի պաշտոնակատար Մայա Նավերյանին։

«Մենք ձեզ ոչինչ չենք կարող ասել ծրագրերի մասին, կարող ենք թվեր ասել, թե ինչ ենք նախատեսել։ Կարող եք գրել ոլորտային ծառայություններին (արտոնյալ), թե որ ծրագրերն են խափանվել, և կստանաք գրավոր պատասխան»։

Բյուջեի քննարկմանը ներկա էր Սոցիալական արդարության կենտրոնի տարածաշրջանային իրավաբան Էթեր Կոպալիանին, ով հարցրեց, թե ինչ է նախատեսում Մառնեուլիի քաղաքապետարանը և արդյոք 2023 թվականի բյուջեն ներառում է սոցիալական քաղաքականության և էթնիկական խոչընդոտների վերացման որևէ ծառայությունների ներդրում:

«Ինձ հետաքրքրում է քաղաքապետարանի տեսլականը սոցիալական քաղաքականության հարցերում, ներառյալ լեզվական քաղաքականությունը և էթնիկ փոքրամասնությունների քաղաքական ներկայացվածությունը: «Սալամ» կազմակերպության և նաև այլ կազմակերպությունների հետ երկու կարևոր հարցերի վերաբերյալ առաջարկություն ենք ներկայացրել։ Առաջինը վերաբերում է թարգմանիչների ռեսուրսներին և ընդհանրապես լեզվական քաղաքականությանը: Մեր կազմակերպության կատարած կարիքների ուսումնասիրությունը պարզել է, որ էթնիկ ադրբեջանցիների մոտավորապես 69%-ը ընդհանրապես չի դիմում տեղական ինքնակառավարման մարմիններին, քանի որ պետական լեզվով խոսելու հնարավորություն չունի։ Մեր առաջարկով ՏԻՄ լեզվական քաղաքականության մշակումը տրված էր մի քանի ուղղություններով, դա կլիներ կայքի թարգմանությունը, բողոքների պատրաստումը, փաստաթղթերի ներկայացումը, եթե հնարավոր լիներ վարույթ անմիջապես էթնիկ փոքրամասնությունների լեզուներով։ Ինձ հետաքրքրում է ձեր տեսլականն այս ուղղությամբ, եւ 2023 թվականի բյուջեով ինչ տեսակի ֆինանսավորում է նախատեսվում»։

Էթեր Կոպալիանիի հարցին փորձել են պատասխանել ինքնակառավարման մի քանի աշխատակիցներ։ Նրանք բոլորը որպես փաստարկ օգտագործեցին այն դեպքը, երբ չեն հիշում, որ քաղաքապետարան եկած քաղաքացին լեզվական խոչընդոտի պատճառով չի կարողացել որևէ ծառայություն ստանալ։ Բարելավված ծառայությունների մատուցման նպատակով խոսվեց Զաուր Դարգալի քաղաքապետության օրոք նախաձեռնված ծրագրի շարունակության մասին։ Դարգալիի նախաձեռնությամբ առաջին հարկում կստեղծվի եռալեզու տարածք, որտեղ քաղաքացիները քաղաքապետարանում իրենց լեզվով կստանան իրենց ուզած տեղեկատվությունը։ Քաղաքապետարանի ֆինանսաբյուջետային ծառայության պետի պաշտոնակատարի խոսքով՝ նախագիծը դեռ գործում է։

«Առաջին հարկի վերականգնման համար ներդրվել է 261 հազար լարի։ Մի քանի մրցույթներ տապալվել են, և դեռ կհայտարարվի նորը։ Արդեն կան երիտասարդներ, ովքեր օգնում են քաղաքացիներին։ Գիտեք, բանկերն ունեն այս փորձը, որն օգնում է տեղեկատվություն ստանալ, թարգմանել: Քաղաքապետարանում կլինեն խորհրդատուներ, ովքեր օգնություն կցուցաբերեն»:

«Միացյալ ազգային շարժման» անդամ Լաշա Կվելաձեն ցանկանում է փոփոխություններ մտցնել բյուջեի նախնական տարբերակում։ Նա ասում է, որ ցանկանում է 2023 թվականի բյուջեով ավելացնել սոցիալական փաթեթները.

«Միացյալ ազգային շարժման խմբակցությունը գրավոր դիմում է գրել քաղաքապետարան, որտեղից պահանջում ենք սոցիալական փաթեթների ավելացում, որը ներառում է սոցիալական աջակցության, վետերանների օգնությունը, ուսանողներին օգնությունը։ Ես պայքարելու եմ մինչև վերջ, որպեսզի մեր նախաձեռնությունը վերցվի, հետո արտացոլվի բյուջեում»։

Քաղաքապետարանի 2023 թվականի բյուջեի առաջին քննարկման ավարտին քաղաքապետարանի ավագանու անդամ Թեոնա Ֆարջիանին նշեց, որ քննարկման ընթացքում ներկայացված նախաձեռնություններն ու մեկնաբանությունները քաղաքապետարան կուղարկվեն նոյեմբերի 25-ից ոչ ուշ։ Բյուջեի նախագծի նույն կամ փոփոխված տարբերակը քաղաքապետարանի ավագանուն կներկայացնի ոչ ուշ, քան դեկտեմբերի 10-ը։



Բյուջեի վերանայման ամբողջական գործընթացը կարող եք դիտել այստեղ ՝ 


Լուսանկարը ՝  Մառնեուլիի  սակրեբուլո

"Ռադիո  Մառնեուլի"
Թարգմ․  ՝  Մարգարիտա  Միսկարյան