Մառնեուլիում տոնածառի լույսերի վառման միջոցառման համար
հայտարարված 65578 լարիի մրցույթը չի կայացել։
Մրցույթին մասնակցած միակ ընկերությունը՝ «Գեոպրոֆ» ՍՊԸ-ն, առաջարկել
է քաղաքապետարանի աշխատանքները կատարել 53350 լարիով։ Տեղական
ինքնակառավարումը որակազրկել է հայտատուին տեխնիկական փաստաթղթերի
պատճառով։
Մառնեուլիի քաղաքապետարանը տոնածառի լույսերի վառման արարողության
մրցույթը հայտարարել է նոյեմբերի 3-ին։
Բյուջեի համաձայն՝ միջոցառման համար կկազմակերպվեին Ձմեռ պապի խրճիթ,
կոնֆետի տուն, համերգային բեմ, Ձմեռ պապի և այլն։
Մրցութային փաստաթղթերում նշված էր, թե ինչ միջոցառումներ են
անցկացվելու Մառնեուլիում Սուրբ Ծննդյան-Ամանորյա տոնածառի վառման
արարողության ժամանակ։
«
Թբիլիսիի մանկական Կապելլան հանդիսատեսին կներկայանա 20
րոպեանոց ռեպերտուարով եւ կկատարի ամանորյա թեմատիկ
ստեղծագործություններ։ Միջոցառմանը կլինեն անիմատորներ և կրկեսային
«Շապիտո» ներկայացումը։
Դեռ հայտնի չէ, թե երբ Մառնեուլիի ինքնակառավարումը նոր մրցույթ
կհայտարարի տոնածառի լույսերի վառման միջոցառման համար։
"Ռադիո Մառնեուլի"
Թարգմ․ ՝ Մարգարիտա Միսկարյան