Ըստ Գնահատման և քննությունների ազգային կենտրոնի ղեկավար Սոֆիո Գորգոձեի, միասնական ազգային

քննությունների գրանցումը կսկսվի մարտի 1-ից և կշարունակվի մինչև մարտի 31-ը: Ինչպես նա նշել է այսօրվա ճեպազրույցում, գրանցումը կանցկացվի միայն Գնահատման և քննությունների ազգային կենտրոնի կայքում ՝ online.naec.ge : Նրա խոսքով, այս տարի ևս դիմորդների գրանցման գործընթացը կանցկացվի մի քանի փուլով:
«Մարտի 1-ից 31-ը գրանցվել կկարողանան հետևյալ քննությունների համար ՝ Ազգային քննություններ, ուսանողների դրամաշնորհների մրցույթ, ընդհանուր մագիստրոսական քննություն, ուսուցիչների առարկայական և մասնագիտական հմտությունների քննություն, ավագ հատուկ ուսուցիչների քննություն, որն այս տարի առաջին անգամ Գնահատման և քննությունների ազգային կենտրոնի կողմից առաջարկվելու է ինչպես գործող հատուկ մանկավարժներին, այնպես էլ դասավանդմամբ հետաքրքրվողներին:
Ինչ վերաբերում է գրանցման գործընթացին, ապա այն կլինի միայն առցանց ՝ online.naec.ge- ն կայքի միջոցով:
Ի գիտություն դիմորդների, ուզում եմ ասել, որ Գնահատման և քննությունների ազգային կենտրոնը դիմորդների համար հրատարակել է ուղեցույց, որին բոլորը սպասում են: Սա ամենակարևոր փաստաթուղթն է, որը դիմորդները պետք է ուշադիր կարդան: Ուղեցույցը հասանելի է էլեկտրոնային եղանակով , մեր կայքում: Այն սահմանում է քննության ընթացակարգերը, որոնք պետք է պահպանվեն:
Բացի այդ գիտենք, որ պրակտիկոս ուսուցիչներից ոմանք գրանցվել էին նախորդ տարի, բայց նրանց քննությունը հետաձգվեց: Հետևաբար, քննությանը գրանցված ուսուցիչներն այլևս կարիք չունեն գրանցվելու: Նրանք հնարավորություն ունեն մուտք գործոլու էջ և փոխել գրանցման տվյալները, օրինակ ՝ որոշ ուսուցիչներ կարող են ցանկանալ փոխել առարկան: Բոլոր տեղեկությունները, որոնք կարող են անհրաժեշտ լինել ուսուցիչներին և դիմորդներին, ներկայացված են մեր կայքում:
Դիմորդների գրանցման գործընթացը մարտի 1-ից մարտի 31-ը առաջին փուլն է, նրանք, ովքեր հաջողությամբ գրանցվում են այս ժամանակահատվածում, կարող են որոշ փոփոխություններ կատարել մինչև ապրիլի 15-ը: Սա մասնավորապես վերաբերում է թեման կամ լեզուն փոխելուն», - ասել է Գորգոձեն:

26․02․2021
«Ռադիո Մառնեուլի»
Թարգմ․ ՝ Մարգարիտա Միսկարյան