Այսօր՝ հունիսի 15-ից, Մառնեուլիի հանրակրթական դպրոցներում
սկսվում են ամառային արձակուրդները։
Ինչպես «Ռադիո Մարնեուլ»-ին հայտնել է տեղական ռեսուրսային կենտրոնի
ղեկավար Ալի Գախրամանովը, այս փուլում կհանգստանան միայն աշակերտները,
իսկ դպրոցի անձնակազմը հուլիսի 1-ից կգնա արձակուրդ։
Նշենք, որ դպրոցներում առաջին դասարանցիների գրանցումն ընթացքի մեջ է։
Ընդհանուր գրանցումը սկսվել է հունիսի 8-ից և կշարունակվի մինչև
հունիսի 23-ը։
Գրանցումն իրականացվում է ծնողի/օրինական խնամակալի կողմից:
Էլեկտրոնային եղանակով գրանցված աշակերտին ընդունելու համար անհրաժեշտ
փաստաթղթերի ներկայացումը կիրականացվի հունիսի 26-ից հուլիսի 12-ը։
Նշված ժամկետում փաստաթղթերը չներկայացնելու դեպքում գրանցումն
ինքնաբերաբար կչեղարկվի։
Առաջին դասարանցիների գրանցման ընդհանուր հրահանգներին կարող եք
ծանոթանալ հղումով։
Այն աշակերտները, ովքեր չեն կարող գրանցվել I, II և III փուլերում,
կամ ովքեր ցանկանում են փոխել գրանցումը, կգրանցվեն IV փուլին,
հուլիսի 17-ից հուլիսի 28-ը մնացած ազատ կամ նախորդ փուլերում ազատված
տեղերում:
Չորրորդ փուլում հանրակրթական դպրոցն ապահովում է աշակերտի գրանցումը
ծնողի/օրինական ներկայացուցչի կողմից ներկայացված անհրաժեշտ
փաստաթղթերի հիման վրա։
"Ռադիո Մառնեուլի"
Թարգմ․ ՝ Մարգարիտա Միսկարյան