Այսօր Մոսկվայում տեղի կունենա Ռուսաստանի նախագահ Վլադիմիր Պուտինի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիեւի

եռակողմ բանակցությունը։
Այս մասին տեղեկատվություն է տարածում Կրեմլի մամուլի ծառայությունը:
Ըստ տեղեկատվության , բանակցությունները նախաձեռնելու է ՌԴ նախագահը:
Կողմերը նախատեսում են քննարկել Լեռնային Ղարաբաղի վերաբերյալ երեք առաջնորդների հայտարարության իրականացման հարցում ձեռք բերված առաջընթացը, որը ստորագրվել է 2020 թվականի նոյեմբերի 9-ին: Բացի այդ, կքննարկվեն տարածաշրջանի խնդիրների լուծման հետագա քայլերը:
Առանձնահատուկ ուշադրություն է հատկացվելու պատերազմից տուժած տարածքների բնակիչների օժանդակությանը, առևտրատնտեսական և տրանսպորտային կապերի հաստատմանը և զարգացմանը:
Բացի այդ, Վլադիմիր Պուտինը առանձին հանդիպումներ է ունենալու Իլհամ Ալիեւի և Նիկոլ Փաշինյանի հետ:

11․01․2021
«Ռադիո Մառնեուլի»
Թարգմ․ ՝ Մարգարիտա Միսկարյան