ՄԱԿ-ի Անվտանգության խորհուրդը արտահերթ նիստ կանցկացնի Լեռնային
Ղարաբաղում հայկական և ադրբեջանական ուժերի դիմակայության թեմայով,
որը
լրատվամիջոցների համար կանցկացվի փակ դռների հետևում։
Անվտանգության խորհրդի նիստը պաշտոնապես հրավիրվել է Բելգիայի կողմից,
չնայած Բրիտանիան, Ֆրանսիան, Գերմանիան և Էստոնիան նույնպես ակտիվորեն
աջակցում են հանդիպմանը:
Նիստը տեղի կունենա երեքշաբթի, Նյու Յորքի ժամանակով երեկոյան
5-ին:
Անվտանգության խորհուրդն ունի հինգ մշտական անդամ, այդ
թվում
՝Ռուսաստանի Դաշնությունը, Չինաստանը, Միացյալ Նահանգները, Միացյալ
Թագավորությունը և Ֆրանսիան, ինչպես նաև երկամյա ժամանակավոր
անդամներ, այդ թվում ՝ Բելգիա, Դոմինիկյան Հանրապետություն, Էստոնիա,
Գերմանիա, Ինդոնեզիա, Նիգեր, Սենթ Վինսենթ և Գրենադիններ, ՀԱՀ, Թունիս
և Վիետնամ:
Լեռնային Ղարաբաղում ռազմական առճակատումը սկսվել է սեպտեմբերի 27-ի
առավոտյան: Միայն պաշտոնական տվյալների համաձայն, սեպտեմբերի 27-ից
մինչ օրս սպանվել են մի քանի տասնյակ զինծառայողներ, վիրավորվել են մի
քանի հարյուրավորներ։
Կողմերը միմյանց են մեղադրում կրակ բացելու մեջ: Բազմաթիվ երկրներ,
այդ թվում ՝ Ռուսաստանը, ԱՄՆ-ը, Ֆրանսիան և Իրանը, խաղաղության կոչ են
արել: ՄԱԿ-ի գլխավոր քարտուղար Անտոնիո Գուտիերեսը ծայրաստիճան
անհանգստություն է հայտնել և կողմերին բանակցությունների կոչ է արել:
Վրաստանի կառավարությունը նույնպես աջակցում է կողմերի միջև
հակամարտության խաղաղ կարգավորմանը, մինչդեռ Թուրքիայի նախագահ Ռեջեփ
Թայիփ Էրդողանը բացահայտ աջակցություն է հայտնել Ադրբեջանին:
Ադրբեջանի և Հայաստանի միջև Լեռնային Ղարաբաղի հակամարտությունը
սկսվել է 1988 թվականից: Ադրբեջանը կարծում է, որ Լեռնային Ղարաբաղը և
հարակից յոթ տարածքները, Ադրբեջանի 20% -ը օկուպացված են Հայաստանի
զինված ուժերի կողմից, ինչը կտրականապես հերքում է Հայաստանը: Կողմերը
զինադադար են կնքել 1994-ին, սակայն միջազգային կազմակերպությունների
հովանու ներքո երկու երկրների բանակցությունները դեռ համարվում են
անհաջող:
29/09/2020
«Ռադիո Մառնեուլի»
Թարգմ․ ՝ Մարգարիտա Միսկարյան